أكلات لترطيب الجسم في رمضان
بواسطه شيرين مصطفى الخميس , 4 إبريل 2024 ,1:45 م
.png)
تعرفي مع لهلوبة أكلات لترطيب الجسم في رمضان، في شهر رمضان، الجسم بيفقد كمية كبيرة من الطاقة خلال ساعات الصيام، وبالتالي بيكون جاف وبيبتدي الشخص يحس بالتعب، فلو عايزة تقللي من تعبك واجهادك وإنتي صايمة، حاولي تتأكدي إن الأكل اللي هتاكليه في السحور والفطار يكون بيرطب جسمك، واحنا هنقولك أنواع الأكل ده:
1- الخيار:
يعتبر الخيار من أفضل الخضروات اللي بتحتوي على نسبة كبيرة من المياه، علشان كده يفضل تناوليه كل يوم في وجبة السحور والفطار.
2- الكرفس:
معروف إن الكرفس غني بالفيتامينات والمعادن، وكمان بيساعد على ترطيب الجسم، لإن بيحتوي على 95% من مكوناته مياه.
3- الطماطم:
بتتكون الطماطم من 94% مياه، علشان كده وجودها ضمن نظامك الغذائي هيرطب جسمك وهيساعدك على الصيام.
4- السبانخ:
من الخضروات الورقية اللي بتوصل نسبة المياه فيها لـ 95%، ويفضل تتناوليها في وجبة الفطار أو السحور، كمان غنية بالحديد اللي هيفيد جسمك ويقلل من خطر الإصابة بمرض الأنيميا.
5- البطيخ:
بيتكون من 91% من المياه، كمان هو مصدر غني بالمواد المضادة للأكسدة، ده هيخلي جسمك رطب وهيساعدك تحاربي آلام الجوع.
موضوعات متعلقة:
فوائد الفاكهة للرجيم وصحة الطفل والشعر والبشرة
انتبهي.. الانتفاخ المستمر ربما يكون إشارة للإصابة بسرطان المبيض
