فوائد زيت البرتقال العطري

الزيوت الطبيعية لها فوايد كتير جدًا على جسم الانسان، ومؤخرًا بدأ مجموعة كبيرة من البنات تهتم بشرائها من عند العطار علشان يلجأوا للمواد الطبيعية في تجميل نفسهم، والمواد دي غير مكلفة بالنسبة للمستحضرات التجميلية الكيماوية، ومع لهلوبة النهاردة هنعرف فوايد زيت البرتقال العطري واستخداماته.

فوائد زيت البرتقال العطري:

1- يقلل من القلق والاكتئاب:
زيت البرتقال من الزيوت العطرية الجميلة اللي لها خصائص مهدئة في الحد من اعراض القلق والاكتئاب، وفي دراسات علمية قالت ان رائحته بتساعد على تهدئة العقل وعلى انتظام ضربات القلب.

2- مدر للبول:
بيساعد في عملية ادرار البول، وبالاضافة لده كمان بيساعد في ازالة السموم من الجسم، وتحسين الجهاز الهضمي، والحد من الانتفاخات، ولكن يحذر من تناوله دون استشارة الطبيب.

3- علاج حب الشباب:
بالاضافة الى تخفيف الالتهابات وتهدئة اي تورم او احمرار في الجلد، وده لانه بيحتوي على خصائص مضادة للبكتريا والالتهابات، ولكن بيحذر استخدامه هو وجميع الزيوت العطرية على الجلد مبشرة، ويفضل تخفيفة بميه او زيت الاطفال الخفيف على البشرة.

4- يعالج التشنجات:
ممكن استخدام زيت البرتقال في تدليك العضلات المصابة بالتشنج، وده لاحتواءه على خصائص مضادة للتشنج.

5- غسول مطهر:
يمكن استخدامه كغسول مطهر للبشرة، وده لاحتواءه على خصائص مطهرة، وكمان يمكن استخدامه كغسول للفم لعلاج التقرحات والتهاب اللثة، وده لان له خصائص مضادة للالتهابات.

وعلشان تستخدمي كغسول للفم عليكي فقط اضافة قطرات من زيت البرتقال على كوباية ميه، ومضمضي فمك بها.

6- يعمل كمهدئ:
لو راجعة من الشغل في يوم تعبانة، ممكن تضعي بعض القطرات من زيت البرتقال في بانيو به ميه للاستحمام، او تدلكي بشرتك به بعد تخفيفه بالميه، ده بيساعد جدًا في تهدئة الاعصاب والاسترخاء، وبالتالي ممكن يساعدك على النوم بشكل افضل.

7- يخفف التهابات الحلق:
لانه بيحتوي على خصائص مضادة للبكتريا، وبالتالي يستخدم كمسكن ومهدئ لالم التهابات الحلق، وبيكافح العدوى، وده عن طريق وضع بعض قطرات منه على كوباية ميه وتناوله، ولكن ينصح باستشارة الطبيب قبل تناوله.

8- فوائد رائعة للبشرة:
حيث انه بيعمل على ترطيبها وتنضيفها وتحسين تدفق الدم بها وجعلها نضرة، وكمان بيساعد على ازالة تجاعيد البشرة والتقليل من ظهورها وده لاحتواءه على مضادات الاكسدة.

9- تعطير المنزل:
بيساعد زيت البرتقال على جعل المنزل برائحة رائعة لاطول مدة ممكنة، وبيتسخدم كمعطر للهواء طبيعي بدلًا من المعطرات الكيماورية الضارة.

10- يقلل من ظهور السيلوليت:
فقط عليكي انك تدلكي المنطقة المصابة بزيت البرتقال المخفف بالميه او زيت الاطفال، ده بيأدي لترطيب البشرة وتدفق الدم وبالتالي بيساعد على التخلص من خطوط السيلوليت بشكل كبير.

موضوعات متعلقة:

فوائد البرتقال لعلاج تساقط الشعر وترطيبه