محمد رشاد يرد على خبر عودته إلى مي حلمي
نشرت المذيعة الشابة مي حلمي صور جديدة من حفل زفافها الملغي من المطرب الشاب محمد رشاد، وذلك عبر صفحتها الشخصية على موقع "تويتر"، وكتبت معلقة: "أول مرة أشوف الصور دي إمبارح من صفحة المصور كل ده ماكنتش اتفرجت عليهم"، ليرد بعدها "رشاد" قائلًا: " أنا كمان لسه شايفهم لما فورش نزلهم حلويين أوي".
وبعدها خرجت الشائعات بعودة الثنائي لبعضهم بعد إلغاء حفل زفافهم في أكتوبر الماضي، ليرد محمد رشاد على تساؤلات متابعيه، ونشر صورة له من حفل زفافه وكتب عليها معلقًا: "أنا شفت شماتة في أكتر يوم كنت بستناه مع أكتر بنت حبيتها فعمري كله وكنت بحسها بنتي وحبيبتي وصحبتي طبعا من وقت المشكلة اللي حصلت اليوم دا لحد النهاردة استفدت كتير من اللي حصل .. أولهم إن ناس كتير ممكن تبين فرحتهم وهما مش فرحانيين ليك من قلبهم دا تمثيل ووقت المشكلة بيتحول الفرح لتصفية حسابات على حساب أي حد".
وتابع "رشاد" قائلًا: "تاني حاجة ناس كتير بالذات في مجالي هتبين انهم اصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس حتى لو بكدا بيخوضوا في تفاصيل حياتك الشخصية".
وأكمل حديثه: "في الأخر مش هيفضل غير اللي بيحبك وبيتمنالك الخير.. الناس وآرائهم مش هيكملوا معاك حياتك بس اللي بيحبك وعايزك معاه هوا بس اللي هيفضل.. يارب لو في خير بينا يجمعنا تاني مع بعض ولو النصيب مش خير يهدي كل واحد لطريق سعادته حتى لو مش مع بعض.. اتمنولنا الخير ولكم المثل يارب".
والجدير بالذكر، أنه تم إلغاء حفل زفاف مي حلمي ومحمد رشاد، قبل ساعات من حضور الجميع، وبعد الخضوع لجلسة تصوير الفرح، وكان ذلك نهاية شهر أكتوبر الماضي، لتحدث بعدها خلافات بين الطرفين أدت لإلغاء الزفاف.
موضوعات متعلقة:
التعليق الأول لمحمد رشاد على انفصاله عن زوجته المذيعة مى حلمى
مى حلمى باكية بيتنا هيتحجز عليه بسبب علاقات شخص يرغب في أذية محمد رشاد