تورط ابنة فنانة مشهورة في قضية الاغتصاب الجماعي بفندق فيرمونت...والدليل وثيقة الزواج
قامت المحامية نشوى صفاء الدين، بنشر بعض التساؤلات من خلال حسابها على موقع التواصل الاجتماعي فيسبوك، عن جريمة الاغتصاب الجماعي التي وقعت في فندق فيرمونت قبل 6 سنوات.
وقالت المحامية، إنها حصلت على قسيمة زواج ابنة الفنانة نهى العمروسي نازلي كريم، من عمرو إبراهيم غريب فارس، لتتفاجأ بأن الفتاة متورطة في تأليف قصة "جريمة الفريمونت"، والمعروفة إعلاميًا باغتصاب إحدى الفتيات على يد 6 شباب.
وحول الأمر قالت المحامية: "القصة غريبة جدًا، اتهام موجه لشباب ناجحين في أعمالهم وفاتحين بيوت واللي عنده طفل 8 شهور أو سنة، إزاي جريمة من 6 سنين وفتاة مغتصبة تسكت على شيء زي ده، منزلتش الفندق مثلا بعد الاغتصاب واتشاف أن في تهتك؟، إزاي شرطة السياحة مشفتهاش مثلاً؟ حاجات كتير ناقصة في القصة اللي هي مش موجودة من الأساس".
وأضافت: "نازلي بنت نهى العمروسي، نشرت تسجيل صوتي لجوزها، ولكن الفويس مش كامل، إزاي مش كامل؟، وأكلم صاحبتها تقولي يمكن هما متخانقين مع بعض، هو كل واحدة هتتجوز وتتخانق مع جوزها تقوم تعمل كده وتفضح ناس ملهمش علاقة بالموضوع؟، طب فين البنت المغتصبة ليه مظهرتش لحد دلوقتي؟ ليه كل حاجة مجهولة مش فاهمة، كمان في حملات مدفوعة الأجر لحذف بوستات الجريمة على مواقع التواصل الاجتماعي، وفيس بوك حذف لي البوست اللي كتبت فيه التساؤلات".
وأكملت: "يقال إن البنت كانت في حفلة كبيرة وفيها ناس إزاي تطلع فوق بقى ويحصل اللي حصل ومحدش يشوف؟، أكيد كان في حد يسمعها، الموضوع كله مش متركب على بعضه، وفي مؤامرة ضد مصر وصفحات كتير على مواقع التواصل الاجتماعي تحاول تشوه سمعة مصر بسبب قصة الفندق اللي مش موجودة من الأساس".
ومن جانبها رفضت الفنانة نهى العمروسي الرد، واكتفت بقول: "مش هقدر اتكلم عن الموضوع ده، وأنا هستشير محامين وأعرف الموقف القانوني، وبعدها أقدر أرد ".
موضوعات متعلقة:
نهى العمروسي تفاجىء الجميع وتدعم مسلسل الطاووس هذا ما قالته!
بعد إثارة الجدل جمال سليمان يوضح مدى الشبه بين مسلسل الطاووس وقضية الفيرمونت!