تعليق ناري من ريهام سعيد بعد الحكم بحبس سما المصري

علقت الإعلامية ريهام سعيد على الحكم بحبس الفنانة سما المصري على حسابها الخاص بموقع التواصل الاجتماعي "انستجرام"، حيث قالت: "سبحان الله السنة اللي فاتت زي انهاردة استقبلت خبر وقفي من المجلس الاعلي للإعلام بصدمة، لاني معملتش حاجه في حياتي اهم من مساعدة مرضى السمنة ونصيحتي كانت من خوفي عليهم، لان انا مريضة سمنة وأخدت وعد إن كل واحد بيعاني هايتعالج، فحتى لو كلامي قاسي يبقي عشان يقبلوا على العلاج اللي تعبت أوي عشان أخليه بالمجان، حتى خارج التبرعات".

وتابعت: "ناس كتير اتخلت عني كانت بتعرفني فقط لشهرتي، راحوا والاقنعه اترفعت واتصدمت في ناس كتير أوي ماشافوش مني غير كل خير، ده غير الإهانة والسب، ناس كتير أوي غلطت فيه وهم مش فاهمين حاجة".

وأضافت: "في نفس يوم وقفي من غير شماتة ولكن بقناعة إن التوكل على ربنا فقط حتى لو ملكش حد كفاية، بعد سنة إنهاردة يتفك الوقف واللي عايرني إني مش بشتغل اتطرد شر طردة والمجلس الأعلى اتحل وسما أخدت حكم، واللي كانوا بيعملوا فيديوهات ضدي حالتهم كرب واعتذروا، في اقل من سنة ولسه كل واحد غلط فيه فاكر اني طنشت هاياخد عقابه، لأن ده حقي وسمعتي وسمعة أولادي اللي تعبت فيهم أوي وضيعت عمري، رجع الحق عشان ربنا عادل وعظيم وكريم واللي عند ربنا مابيروحش".

وأكملت: "بشكرك يا رب، بشكر المحامي شعبان سعيد اللي في ضهري طول الوقت، بشكر زوجي، بشكر أي حد كلمني أو سال عليه وأنا مش بشتغل ومذيعه ومكسرة الدنيا، بشكر الناس الأصيله الجدعة زي الفانز وزي خالد الصواف وحمدي بدر ومحمد رمضان وياسمين عبد العزيز وبدرية طلبة ودينا ومي كساب وإيمان العاصي وأصالة وأحمد رزق وعلاء الشربيني وسعد الصغير، بشكر كل واحد عمل فولو البروفايل ده، وأنا مش حاجة وولا حاجة، مش بشتغل ومش عارفين هاشتغل تاني ولا لا، مبسوطة بالسنة اللي بعدها مفيش حواليه غير الناس اللي بتحبني بجد، بشكرك يا رب، وبشكر القضاء العادل والدولة المحترمة، أخيرا الحق بقى بيرجع في مصر في عهد ريس محترم وقوي، الحمد لله".