نشوى مصطفى تبكي على الهواء: كان معايا فلوس بس مفيش مستشفى عاوزة تقبلني.. ما القصة؟!

الاحد , 15 نوفمبر 2020 ,9:17 ص

نشوى مصطفى تبكي على الهواء كان معايا فلوس بس مفيش مستشفى عاوزة تقبلني

حلت الفنانة نشوى مصطفى ضيفة على برنامج "كلمة أخيرة" الذي يذاع عبر قناة أون وتقدمه الإعلامية لاميس الحديدي، من خلال مداخلة هاتفية، حيث روت معاناتها مع فيروس كورونا المستجد.

وحول فترة مرضها، قالت نشوى: "أبوس إيديكم لو بتحبوا ربنا وبتحبوا ولادكم اتقوا شر الألم اللي أنا حسيت بيه، حافظوا على نفسكم علشان ولادكم وأكل عيشكم كلنا على باب الله، كلنا على باب الله وماشيين بالأرزاق، عشان أكل عيش ولادكم مش هينفع لو أنت عامل أو صنايعي ترقد، حافظ على نفسك أرجوك بالكمامة، كمامة تمنها 3 جنيه هتحافظ عليك وهتخليك لبيتك وأولادك".

وتابعت: "أنا كان معايا فلوس بس مفيش مستشفى كانت عاوزة تقبلني من المستشفيات الخاصة، لكن مستشفى بلدي العامة الحكومية قبلتني، أنا عندي فلوس وربنا ساترني بس مكنتش بقدر أحط في بقي لقمة، الفلوس مش مهمة لما تبقى معاكي ومفيش مستشفى راضية تقبلك أو قادرة تاكلي حتى، الصحة يا جماعة أهم من أي حاجة في الدنيا".

واختتمت نشوى حديثها: "والنبي ماتستهونوا، كورونا دي صعبة جدًا أصعب من ألم الولادة، أنا أهملت وإتكسفت من لبس الكمامة، ماتسلموش على حد بإيديكم وحافظوا على التهوية والتباعد والتغذية، إحموا نفسكم مع الكمامة".

وكانت الفنانة نشوى مصطفى قد أعلنت عن إصابتها بفيروس كورونا المستجد من خلال حسابها على "فيسبوك" حيث كتبت: "ادعولى عملت أشعة مقطعية على الرئة والنتيجة لسه طالعة وللأسف كورونا، أي حد اتقابلنا خلال الفترة اللي فاتت أرجوكم يعمل تحليل لو سمحتم الموضوع مش سهل ماتستهونوش خللوا بالكم الكورونا رجعت بشدة ألم رهيب ربنا ما يكتبه على عدو ولا حبيب، ربنا يحافظ عليكم يارب، ادعولي".

يذكر أن أخر أعمال نشوى مصطفى كان المسلسل الدرامي الكوميدي "البشارة"، كما شاركت ببطولة مسلسل "الشريط الأحمر" وسط عدد من نجوم الدراما التليفزيونية، منهم أحمد فهمي، ونور إيهاب، وعبد الرحيم حسن.