تعليقات جارحة تصل الى حد الاهانة من الجمهور لرانيا يوسف بعد ظهورها مع رئيس نادي برشلونة تجعلها تهدد باللجوء للقضاء.. ماذا جاء بها!
تعرضت الفنانة رانيا يوسف لانتقادات لاذعة، بعد نشرها لصورة بملابس صيفية مع رئيس نادي برشلونة الإسباني "خوان لابورتا" على حسابها الرسمي بموقع التواصل الاجتماعي "انستجرام"،
ووصلت التعليقات على الصورة إلى حد الإهانة، حيث قال متابعون: "كده برشلونة مش هيحتاج باك شمال ولا هاف شمال علشان الشمال كله في الملعب"، "وأنا أقول الصفقات مافيهاش بركة ليه قولتيلي بقى، لا واللي عايز يمشي ميسي خبيث لابورتا خبيث".
بينما قال ىخرن: "صورة الأجنبي بالأحضان ويضع الأيادي علي حضرتك، ده تقدم وأجمد رئيس نادي في العالم، ملحوظة ربنا يشفكي إن شاء الله"، "ممكن نعرف أجمد إزاي يعني من أي ناحية، لأن لابورتا من ١٠ سنوات ما مسك نادي فممكن نفهم".
الأمر الذي جعل الفنانة رانيا يوسف تنشر عدة صور للمتحرشين بها وتعلق على الأمر قائلة: "قمة الوقاحة وقلة الأدب علشان صورة اتصورتها، قبلت الضحك وقولت طبيعي مش لازم نقف على كلمة عادية إنما توصل لهاشتاج عنوانه قذر زي كل شخص مشارك فيه لمجرد إن واحدة ست شجعت الكورة أو بتتكلم عنها، متحرشين أقذر من بعض بكل واحد مشارك في الهاشتاج ده، متحرشين ولازم يتفضحوا".
ولكن أكثر تعليق جعلها تهدد باللجوء للقضاء كان: "أنا من أول ما شوفت الترنيد وأنا قولت محدش بيتهزق غيرك وفطسانة على نفسي من الضحك، تعالي اضحكي كانت عايزة تاخد التريند بس خدته صح".
وجاء في تعليق آخر: "استاذة راينا مضايقة أوي من الناس اللي بتقول ألفاظ مش لطيفة في حقها مع إن الألفاظ دي لو كانت اتقالت في فيلم او مسلسل كانت هتبقى عادي وفي السياق الدرامي، يعني أنت يا فنانة حاطة نفسك باك شمال ومش عايزينهم يطلعوكي ع المسرح تيجي ازاي كل الدعم يا فنانة أنا وجمهورك في ضهرك دايمًا وعمرنا مهنتخلي عنك"، و"أنت زعلانة ليه يا فنانة ما أنت جمهورك كله من المتحرشين".
وقال آخرون: "حقيقي الفنان اللي بيحترم جمهوره الجمهور بيحترمه"، "كان المفروض إن تكوني حذرة، لأنك استفزيتي كل جمهورك من محبي ومشجعي الريال ودختلي نفسك في حلبة الصراع بين مشجعي الفريقين وفيهم ثقافات واخلاقيات مختلفة، وأنا توقعت إن تحدث مثل هذه الإساءة"، "صاحبة مقولة عندك حاجة حلوة لازم تعرضها".
يُذكر أن الفنانة رانيا يوسف كانت قد شاركت في الموسم الرمضاني لهذا العام بمسلسل "ملوك الجدعنة"، بطولة مصطفى شعبان، عمرو سعد، ياسمين رئيس، دلال عبد العزيز، عمرو عبد الجليل، أحمد صفوت، فرح يوسف، وليد فواز، أيمن الشيوي، علاء قوقة، فراس سعيد وبسمة داوود من تأليف أمين جمال وعبير سليمان، إخراج أحمد خالد موسى.
كما شاركت في مسلسل "وكل ما نفترق" بطولة ريهام حجاج، أحمد فهمى، أيتن عامر، سلوى خطاب، محمد الشرنوبى، طارق عبد العزيز، أحمد صيام، رحاب الجمل، قصة محمد أمين راضى، سيناريو وحوار أحمد وائل وياسر عبد المجيد، وإنتاج مشترك بين المتحدة للخدمات الإعلامية وطارق الجناينى، إلا أن هذا العمل لم يلقى النجاح الجماهيري الذي كان متوقع له.
موضوعات متعلقة:
رانيا يوسف توجه رسالة انسانية لجمهورها وتستشهد بموقف طفلة!
بالصور اصابة الفنانة رانيا يوسف بإصابة في وجهها والفنانين يدعموها
رانيا يوسف عن التحرش أمي كانت بتلبس قصير ومفتوح ومحدش بيتحرش بيها