لقاء الخميسي تهاجم سيدة بسبب الحجاب.. ما الحكاية؟

هاجمت الفنانة لقاء الخميسي إحدى السيدات التي قامت بدورها بمهاجمة غير المحجبات، عن طريق نشر صورة لمجموعة من النساء غير المحجبات وعلقت عليها قائلة: "لو عيل من عيالي فكر يقولي هتجوز واحدة بشعرها أو مطلقة أو مدخنة همسح بيه الأرض، كفاية الستات والأمهات اللي بشوفهم يوميًا زي الصورة دي وبتخض على مستقبل بناتهم اللي أكيد هيقلدوهم.. معرفش ليه بتكرهوا الحجاب كده؟".



لترد عليها الفنانة لقاء الخميسي قائلة: "يا استاذة هالة يومك جميل إن شاء الله، للأسف الشديد أنا سمحت لنفسي آخد البوست بتاع حضرتك من غير استئذان وده مش صح بس عشان أقول لحضرتك كلمتين يا ريت تقريهم كويس".

وتابعت: "مش من حق حضرتك تاخدي صور ناس وتحطيها عند حضرتك وتذميهم وتتدخلي في اختياراتهم لحياتهم، مش من حقك أصلًا تختاري حياة ولادك لأنهم ليهم كل الحق في الاختيار، مش من حقك تحكمي على أخلاق الناس وحياتهم لأنك مش وصي ولا ولي".

وأضافت لقاء الخميسي: "فياريت حضرتك تخليكي في نفسك وتطوري من نفسك وتغضي البصر لو مش عاجبك الصور ودعي الخلق للخالق، كل حي أدرى بحياته واختياراته وعليكِ احترامه والتزام الصمت، شكرًا ويوم سعيد".