"النفسية هتتحسن لماا".. حاجات بسيطة تظبط نفسيتك

البنات معروفة بتقلب المزاج وسرعة استجابتها للاحباط والضغط العصبي وده راجع لحاجات كتير منها تغيير الهرمونات أو حساسيتها من المواقف المختلفة، بس زي ما مزاجها بيتقلب بسرعة بيبقى في حاجات بسيطة سهل تبسطها وتحسن مزاجها، لهلوبة بتقترح عليك حاجات مضمونة تقدري تعمليها لنفسك وتحسني مزاجك: 

1- الصبح وانتي رايحة الشغل هاتي لنفسك نوع الشوكولاتة المفضل ليكي وجربيها مع النسكافية.

2- في يوم القبض روحي اشتري لنفسك ولو حاجة واحدة  بسيطة، التسوق بيحسن نفسية البنات. 

3- اشتري ألوان المونيكير اللي بتحبيها.

4- حاولي تقابلي اصحابك على الاقل مرة في الاسبوع وفضفضوا مع بعض وانتوا بتاكلوا شاورما.

5- يوم الاجازة لازم تدلعي نفسك وتعملي كل اللي مش بتعرفي تعمليه طول الاسبوع بسبب الشغل، اعملي حمامات كريم لشعرك، ابردي ضوفرك، اعملي ماسكات لبشرتك وغيره. 

6-  لو مخنوقة ومزاجك مش رايق بسبب مشاكل في الشغل أو البيت جربي تنزلي تتمشي أو تروحي الجيم، الرياضة او الحركة بتخرج الطاقة السلبية وبتمنحك احساس بالطاقة والحيوية. 

وعلى مواقع التواصل الاجتماعي عملوا هشتاج لتعبير عن الحاجات اللي كل واحد بيحس انها بتحسن نفسيته، ومن تدوينات الهاشتاج: ".