10 ذكريات في الجامعة عمرك ما تنسيهم بعد التخرج

مرحلة الجامعة من أهم المراحل في حياتنا، لأنها تعتبر نقلة تانية من مرحلة الطفولة و المراهقة اللي بنيجي بيها من المدرسة لمرحلة الشباب، و كثير مننا شخصياتهم بتتحول تمامًا خلال الفترة دي وبتبقى أكثر نضجًا، وده بسبب كثرة التجارب الجديدة اللي بنمر بيها واتساع مساحة علاقاتنا الشخصية وحاجات تانية كتير غير المواد الدراسية داخل المدرجات. 

بس الحاجات الحلوة و الذكريات اللي لا يمكن تتنسي في الجامعة مش كلها حاجات جد أو مشاكل صعبة أو ليها علاقة بالدراسة، لكن في حاجات تانية أبسط من كده بكتير عمرها ما بتتنسي و بتفضل ذكريات جميلة.

 وعلشان كده نشطاء مواقع التواصل الاجتماعي عملوا هاشتاج "اشياء_حبيتها_بالجامعه" علشان يفتكروا مع بعض شوية من الذكريات دي، واحنا في "لهلوبة" بنفكرك بأبرز ذكريات الجامعة لو كنتي اتخرجتي: 

  

وموظفاتها على وجه الخصوص، مفيش حد اتخرج من الجامعة و الا وعنده موقف مع موظفة منهم، ده غير الطوابير اللي كل الدفعات بتتعترف على بعض فيها لانها ممكن تطول بالساعات، و بنكون منفعلين ومتعصبين جدًا وقتها، بس بمجرد ما بنفكرها بعد التخرج بنصاب بكريزة ضحك. .

كل واحد في الجامعة بيبقى عنده أكلة أو سندوتش بيحبه من كافتريا معينة، بيفضل معلق عليه لحد اخر سنة، و بعد ما يتخرج ممكن يزور الجامعة مخصوص علشان ياكله.

كل مجموعة صحاب في الجامعة بيبقى ليهم مكان معين في الجامعة بيقعدوا فيه اكتر من مدرجات الدراسة، و بيبقى معروف ان المكان ده خاص لشلة معينة في الدفعة و غالبا ممنوع اي حد تاني يقعد مكانهم، غالبًا بيبقى متميز عند بنك معين في الجامعة أو كافتريا أو حتى شجرة المهم لازم يبقى اسمه عند الـ"البنك، الشجرة، الكافتريا ...".

اللي بتكمل معاك مش شرط تكون اول مجموعة اتعرفت عليهم ممكن تفضل تتغير لحد ما تقابل الناس اللي يبقى في بينكم "كيمياء" و تبقى هي دي "شلة الجامعة" بتاعتك، و غالبا بيبقى كل فرد فيها له اسم مستعار بيتنادى به راجع لأشهر صفة فيه، زي "أحمد هدوء، سارة توتر، آية سيطرة و كريم دحيح و هكذا".

بالنسبة للبنت مش هتنسى أول ولد اتعرفت عليه في الجامعة، وكذلك الولد مش بينسى أول بنت اتعرف عليها، وممكن يفضلوا صحاب ويكوّنوا بقية الشلة. 

الكلية اللي بيبقى فيها مشاريع تخرج غالبًا اصحابها بيتمتعوا بأكبر كمية من الذكريات المضحكة والصور في الجامعة، على قد ما بتبقى ايام مرهقة بس بيبقى فيها مواقف جميلة عمرك ما بتنسيها. 

الرحلات اللي بتطلعيها وانتي في الجامعة غالبًا عمرها ما بتتعوض ولا بتتكرر بعد ما تتخرجي، حتى لو روحتي نفس الاماكن بس مش بتكون زي ما روحتها مع شلتك أيام الجامعة.

كتير من الطلبة بيقضوا وقت كبير في الانشطة الطلابية يمكن أكتر من محاضراهم الأساسية، و هوايتهم المشاركة في الأنشطة و التنقل ما بينها، وفي منهم اللي بيبقى كل صحابه من النشاط الطلابي المشترك فيه ولا يملك أي صحاب في دفعته.

من بين كل الأساتذة اللي بنقابلهم خلال فترة الجامعة، بيفضل دكتور أو معيد واحد معلق معاكي، و انتي كمان بتكون معروفة جدًا بالنسبة له برغم آلاف الطلاب اللي بيتعرضلهم كل سنة و يسأل عليكي أول ما يدخل المدرج و ده غالبًا بيبقى بعد موقف محرج معاه، وممكن تفضلي على علاقة جيدة به او بيها بعد التخرج.  

و اللي من غيرها مش عارفين كنا هنستنى بين المحاضرات فين او نقعد نراجع قبل الامتحان فين، كمان هي مليانة حكايات بين كل الطلاب على مر السنين عمرهم ما بينسوها.