شاهد ابنة الفنانة ريهام سعيد التي لفتت الأنظار بجمالها
نشرت الاعلامية ريهام سعيد أحدث الصور التي تجمعها بابنتها، وذلك عبر حسابها الرسمي بموقع التواصل الاجتماعي "انستجرام" وعلقت عليها قائلة: "اخترت ابدأ حياتي الجديدة بصور مع بنتي، يمكن عشان هي حتة مني، يمكن عشان هي جهدي وتعبي وأملي في الحياة".
وأضافت ريهام: "كل مرة كنت بقع كنت بقوم عشانهم، لأولادي آسفه على كل لحظة الناس تسببت في ألم ليكم بسبب شغلي والناس اللي كلها شر، اللي جاي أحلى أوعدكوا، يوسف وأمينة وطارق بحبكوا".
وانهالت على التدوينة الأخيرة لريهام سعيد الكثير من التعليقات من قبل جمهورها ومحبيها، والتي جاء من بينها: "ربنا يحفظها ويحميها" و"مشاء الله تبارك الله ربي افرحك بيها" و"ايه الكآبة اللي في الصور دي، اضحكوا شوية دي الحياة حلوة، عمومًا ربنا يدي كل واحد اللي فخاطرو يا رب".
وقال آخرون: "يا جمالكوا ربنا يخليكم لبعض" و"ربنا يحفظهوملك بس مش أنت عندك ولد كمان مش بتذكري اسمه ليه" و"ربنا يسعدكم".
وكانت ريهام سعيد قد أعلنت مؤخرًا عن إصابتها بمرض السكر، بعد إجرائها لبعض التحاليل الطبية، وذلك بسبب مرورها بأزمات عدة أثرت سلبًا في نفسيتها وصحتها، قائلة: "كنت دايما بتكلم عن الصحة وأقول إنها أهم حاجة، وطلع الصحة مربوطة بالحياة اللي أنت تختارها، طلعت تحاليلي مافيش أوحش من كده والحمد لله، وهو من التحاليل اللي ضايقتني أوي بخصوص السكر".
وأضافت: "أنا اكتشفت إن جالي سكر، ودي حاجة لا ألوم عليها حد غير نفسي، لأن أنا اللي حملت نفسي فوق طاقتي وكنت دايمًا بقول إن ربنا مش بيدي حد حاجة غير على قد طاقته".
وأكملت ريهام: "السكر للأسف حاجة بشعة ولازم تحارب وماتاكلش وماتزعلش ودي حاجة صعبة أوي وسط اللي بنعيشه حاليًا، لأن إحساس الظلم أكتر حاجة بتوجع وبتضايق".
موضوعات متعلقة:
رسالة غامضة من ريهام سعيد والجمهور يخمن المقصود حسن شاكوش؟!
السبب الحقيقي وراء ايقاف برنامج صبايا الخير الذي تقدمه الإعلامية ريهام سعيد