بنعيش علشان ناكل..اهم المناسبات وعلاقتها بالاكل

احنا كمصريين عندنا علاقة حب قوية وروابط وثيقة بالاكل، عندنا بتختلف جملة "بناكل علشان نعيش" احنا مفهومنا اعمق من ده بكتير تقدر تقول كده اننا "بنعيش علشان ناكل" وبنحترم الاكل وبنستمتع به سواء فرحانيين او زعلانيين بردوا بناكل، وعلشان كده بنلاقي ان معظم المناسبات عندنا مرتبطة به من الدرجة الاولى. 

 

لهلوبة بتعرفك اهم المناسبات المرتبطة بالاك:

 

مرتبط بالفتة واللحمة والكبدة سواء بقى كانت بتلو او ضاني، بترجع من صلاة العيد وتشم احلى ريحة وتشوف احلى اكل قدامك، وبعد الدبح بتلاقي كل الاكلات الحرشة من "ممبار وفشة وكرشة وطحال ولحمة راس".

 

الكحك والبسكويت والغريبة والبيتي فور، تصحي الصبح تعملي كوباية شاي باللبن وتستمتعي بهم في فطارك، وعلى الغداء بتلاقي صواني الرقاق والمكرونة البشاميل.

 

طبعًا ده يعتبر موسم الاكل بكل الاصناف بالذات الخشاف، وقمر الدين والمكسرات بانواعها، والبلح باللبن ساعة الفطار، وبتشوف وليمة قدامك، وبتظهر فيه المحاشي "ورق العنب، الكرنب، الباذنجان، الفلفل والكوسة" وطبعًا بيكون معاه البط والوز او الديك الرومي واخيرًا الحمام المحشي والرز المعمر الحادق والحلو.

 

حلاوة المولد زي "السمسمية والحمصية والفولية والملبن والنوجا"، بنتلم كلنا حوالين بعض ونبدأ ناكلها.

 

يا صباح الروايح بقى طبعًا، نبدأ كده الفطار بالبيض الملون والمرسوم عليه، بعدين ندخل على الوجبة التقيلة "الرنجة والفسيخ والملوحة والبصل الاخضر" مع طبق خضار "طماطم وخيار" وعيش محمص، ونختم باللبان بالنعناع علشان ريحة الفم وعلشان تهضم.

 

موسم كلنا بنعمل فيه وجبات مختلفة، بتختلف من واحد للتاني بس في الاغلب بيكون محاشي مع ديك رومي، وطبعًا مش بننسي دور الملوخية.

 

وده موسم مرتبط بيوم عاشوراء ودي الاكلة المميزة فيه، ومن الاكلات المميزة والخفيفة جدًا.