شاهد بالصور ابنتا الفنان الراحل حسن مصطفى.. هل هناك شبه ولو في الصفات الشخصية؟

حلت الفنانة ميمي جمال وابنتيها ضيوفًا على برنامج "صاحبة السعادة" الذي يذاع على قناة دي ام سي، وتقدمه الفنانة القديرة اسعاد يونس، وأثناء الحلقة وجهت الأخيرة سؤالًا إلى ميمي جمال، حول مدى التشابه بين الابنتين مع والدهما الفنان الراحل حسن مصطفى في الصفات الشخصية،

وقالت الفنانة القديرة ميمي جمال، أن ابنتها نورا ربة منزل لا تعمل، أما نجلاء فتتلقى "كورسات" فى الفن، موضحة: "دلوقتى بتشتغل فى الخزف والفخار وبتحب القراءة جدا"، كما أكدت أن الفنان الراحل حسن مصطفى لم يضرب بناته طيلة حياته: "حسن مكانش بيضرب البنات ولا أنا".

أما نجلا حسن مصطفى فقالت: "بابا كان منظم جدًا وخجول، وأنا زيه بالظبط، وأضافت الفنانة ميمى جمال: "حسن لا يمكن مينزلش كل يوم، يروح نادي النقابة يلعب كوتشينة مع أصحابه، ونورا زيه بالظبط".

أما عن أمنيات الفنانة القديرة ميمي جمال فقالت: "دلوقتي كل اللي بتمناه أشوف بناتي مبسوطين وناجحين أكثر من رغبتى فى العودة للتمثيل مرة أخرى".



وحول العمل الفني مرة أخرى قالت ميمي: "جربت أشتغل وبعتولي على مسلسل وقريته وقعدت مع المخرج ومش هقول هو مين، واتكلمنا على الدور، ولما اتكلمنا عن ظروف الحياة وكان المنتج اشتغلت معاه في مسلسلين من 6 سنين وأجري في المسلسلين كان أعلى من الأجر اللي كان عايز يديهولي دلوقتي، فقولتله لازم يبقى فيه سواق وعربية وأنا هجيب كوافير وماكييرولقيت إن التعامل مش هو اللي واخدة عليه".

وتابعت: "احنا اتدلعنا والمنتجين دلعونا والمخرجين دلعونا، وعايزة إيه يا ست الكل وتحت أمرك، وتدخلي البلاتوه تلاقي أوضتك نضيفة واللبيسة بتاعتك موجودة، يبقى ليكي نفس تشتغلي، ولما تحسي إنك مضغوطة من ساعة التوقيع هتشتغلي إزاي، مقدرتش واعتذرت".