والد الفنانة ياسمين صبري ينشر لأول مرة صورا من حفل خطوبة الفنانة على حسابه الرسمي بالفيسبوك
نشر الدكتور أشرف صبري والد الفنانة ياسمين صبري صورا من حفل خطوبتها الاولى على موقع التواصل الاجتماعي "فيسبوك" وعلق على الصور قائلا: "بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن أبوها في ضهره؟، أصدقاءنا كانوا بييجو البيت بيشوفوها ولما كبرت جيبتلها عربية يا ريت الناس اللي يعرفونا وجم بيتنا يردوا ويقولوا ياسمين كانت عايشة في بيتي إزاي في كل مراحلها وإزاي اتخطبت وعملتلها أجمل حفلة ودي صورها"
وأضاف: "الكدب ده بيبرر بالنسبة لها سبب عدم حضورها فرح أخوها ولو اب اهتم بفرح ابنه وزعلان أن أخواته ماجوش مش حيهتم ببنته؟»، وتابع: «إنا عملت لها حياة كريمة راقية ومحترمة وماكنتش فاكر إن الرد حيكون كده والسر اللي الناس ما تعرفوش أنها اتطلقت من الراجل المحترم الدكتور ده بسبب امها لأنه حكالي وقالي امها خربت بيتنا. واتجوزت من ورايا وبدون علمي بعد التربية اللي عملتهالها وعشأن كده أنا مش معترف بجوازها اللي من ورا ضهري ده. وحسبي الله ونعم الوكيل".
يذكر ان والد الفنانة ياسمين صبري قد كتب منشورًا منذ أيام جاء فيه: "فرح ابني بكرة ربنا رزقه بأجمل عروسة، أما إن أمه واخواته الأشقاء رفضوا حتى يباركوله فربنا رزقه بأم تانية عملت كل حاجة، وأخوات تانيين لم تغريهم الأموال ولا طيارات وكدب وخداع، أصبح لابني إخوات جدد وأم جديدة، حفظه الله من الشياطين".
وتابع: "حبيبي ربنا بيدي أم ماخلفتش وبيدي إخوات أحن من إخواتك وربنا يخلي أيامك كلها سعادة يا ابني وحب، ولا وجود في حياتنا لناس ليس لهم قيمة في حياتنا فملأت قلوبهم حقد وكره فقط لأن معاهم فلوس، فعلًا الفلوس بتغير النفوس".
ومن هنا بدأت المعارك الكلامية بين الاثنين.
موضوعات متعلقة:
متابعة تهاجم ياسمين صبري بسبب الفنان الراحل سمير غانم ما الحكاية؟!
هكذا احتفلت الفنانة ياسمين صبري بعيد زواجها الأول
بالمستندات سيارة ياسمين صبري التي أهداها لها ابو هشيمة تحدث ضجة بسبب سعرها
صورة رومانسية جديدة لياسمين صبري وأحمد أبو هشيمة تشعل انستجرام