تعليق مثير لريهام حجاج على حادث الإسماعيلية.....شاهد ماذا قالت؟

كتبت الفنانة ريهام حجاج منشورا لها على حسابها الرسمي على موقع التواصل الاجتماعي "فيسبوك" تعقيبا على حادث الاسماعيلية جاء فيه: "جريمة الإسماعيلية... مش حاتكلم كتير على الفعل الوحشي اللي حصل من حد شوفنا زيه متطرفين ومجانين كتير، أنا اللي مستوقفني بالفعل هو الزمان والمكان، إن ده يحصل في ميدان عام وفي عز الضهر!! وقصاد كل الناس دي اللي كانت بتتفرج، والمفزع هو ردود أفعال الناس، رغم إن المصريين معروفين بالشهامة والجدعنة والتدين".

وأضافت: "طيب لو قلنا إن ما حدش أتحرك عشان اتفزعوا أو خافوا من المجرم... طيب اللي ماسك التليفون بيصور الجريمة وهي بتحصل هو في إيه ولا في إيه؟ جاب منين القدرة على مسك الموبايل وتصوير المشهد وهو بيحصل... الفكرة أصلاً خطرت على باله إزاي".

وتابعت: "بصراحة... مذبحة الإسماعيلية هي انعكاس للي وصلناله في هوس السوشيال ميديا اللي تخلي واحد يهمه أنه يصور اللي بيحصل أكتر مايهمه إنقاذ الضحية!! للأسف التكنولوچيا على قد ما ادتنا حاجات على قد ما موتت مشاعرنا وإنسانيتنا، ولسة بيقولك ميتاڤايرال... إحنا استكفينا تكنولوچيا... إحنا محتاجين إنسانية وشهامة ومبادئ وطيبة ورحمة وأخلاق وضمير".