هجوم على الفنانة منة شلبي واتهامها بالعنصرية لهذا السبب!

هاجمت العديد من الممرضات الفنانة منة شلبي حتى أنهم أطلقوا العديد من الهاشتاجات ضدها وذلك بعد سوء معاملتها للممرضتين اللتين كانتا تشرف على علاج والدتها، حيث قامت ممرضة تدعى ميار بكتابة منشور على موقع التواصل الاجتماعي "فيسبوك" جاء فيه: "أنا مش قادرة أصدق كمية الظلم اللي بيتعرض ليه فئة التمريض، تخيل تبقى سايب أهلك وبيتك ومننا ولاده، وفجأة تتحط في مكتب أمن وبعدها تترحل على النيابة عشان أنت غلبان، الكلام دا عن لساني أنا وأنا اشتغلت مع منة شلبي... وعارفة طريقتها السادية، واللي بتعمله مع التمريض، وفي الآخر لمجرد لسعة غير مقصودة من قربة ماية حرارية هي اللي طلبت تتحط لمامتها، تحبس بنتين وتقعدهم في مكتب أمن كأنهم حرامية أو سرقوها، وأكتر من حد يحاول يتواصل مع الفنانة لأن الموضوع بسيط وغير مقصود بس بلاش النيابة، لكن هي بعد ما خلصت إهانة وسب وألفاظ وشتايم زي اللي دايماً بيحصل في بيتها وديتهم على القسم، وحالياً في النيابة بيتحقق معهم".

وأضافت: "أنا كنت شغّالة معاها أكتر من 3 شهور، وشفت منها معاملة سيئة وشتائم بألفاظ نابية، وكنا بنام على الأرض مفيش سرير لينا، ده غير الأكل السيئ اللي كان عبارة عن وجبة واحدة طيلة اليوم. أول لقاء كانت بتتكلم إن مامتها أهم حاجة في حياتها وهي مش عايزة حاجة مني غير أن مامتها تبقى كويسة، وأنا قولتلها ده حق مامتك علينا، لكن لما سافرت الجونة المعاملة كانت غير واكتشفت إنها بتنيّم التمريض على الأرض، إللي جالي أنا نفسي مرض جلدي بسببه، والأكل إللي ممكن بيوصل لوجبة واحدة في اليوم. ولما اشتكينا كان ردّها إن أنتم مش جايين تحققوا أحلامكم هنا عندي".

وعلقت أخرى قائلة: "الصراحة أنا كمان شوفتها صعبة جداً، وبردو كان موضوع أهبل وبهدلت التمريض بسبب كانيولا عشان إيد والدتها احمرت شوية مكانها وشتمت المستشفى ومشيت".

موضوعات متعلقة:

منة شلبي عن فوز رامي مالك بالأوسكار حاجة تشرح القلب

 منة شلبي: أكتر سؤال بتسئله إمتى هتتجوزي وأشعر أنني أقترب من سن اليأس