حمو بيكا يثير الجدل من جديد: اتعب وأشتغل لحد ما تجيب ناس تشيلك!

بعد إثارة مؤدي المهرجانات حمو بيكا، الجدل، بسبب "سبوع" ابنته تاج، الذي كان منذ عدة أيام في إحدى قاعات الأفراح، ولفت النظر بسبب الحفل الضخم الذي أقامه لابنته، وارتدت فيه زوجته كمية كبيرة من الذهاب، عاد "حمو" ليثير الجدل بنشر مقطع فيديو و2 من الأشخاص يحملونه ويصعدوا به السلم.

حمو بيكا يثير الجدل من جديد بفيديو وهو محمول على الأكتاف

نشر مؤدي المهرجانات حمو بيكا، مقطع فيديو فكاهي، على صفحته الشخصية على موقع الصور "إنستجرام"، وظهر في مقطع فيديو وهو محمول على الأكتاف من قبل اثنين من اصدقائه، ومازح جمهوره قائلًا: "اتعب واشتغل لحد متجيب ناس تشيلك تطلعك علي السلم".

ومعروف "حمو بيكا" بطريقته الفكاهية وخفة دمه الذي أعجب بها جمهوره، واشتهر من خلالها.

ومن ناحية آخرى، ظهر حمو بيكا منذ أيام، في فيديو بثم مباشر، عبر حسابه الشخصي على موقع التواصل الاجتماعي "فيسبوك"، ورد على منتقدي "سبوع" ابنته، الذي وصفوه بالضخم، إلى جانب تعليقه على إرتداء زوجته الكثير من الدهب، قائلًا: "سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده واعذروني، وأبويا على باب الله بيسافر ويتغرب ويشقى علشان اللقمة اللي بناكلها بالحلال".

وتابع "حمو": "أنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، وأنا ما اتولدتش في بقي معلقة دهب وكنت بحب الخير لكل الناس ولحد الوقت ده".

وعلق على صوره قبل الشهرة، قائلًا: "صوري دي تاج هشليها على راسي لحد ما أموت، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف".

وتابع "حمو" ردًا على منتقدي ذهب زوجته: "حوار الدهب اللي مراتي لابساه مش جديد، وفي واحدة معرفهاش اتكلمت وهسمعكوا كمية الحقد والغيرة والنفسنة ومش هي لوحدها اللي بتتكلم بصفار وغل ولو دي حفيدتها أو بنتها وهي قادرة هتعمل أكتر من اللي أنا عملته وأنا معرفهاش وشفت من ده كتير وشفت غل من ده كتير مش فاهم ليه وبتقول مراتي لابسة خمسة ستة كيلو دهب".

وردًا على منتقدي سبوع ابنته، قال: "أنا فرحت ببنتي وعملت عقيقة ودبحت لها وعملت السنة اللي المفروض تتعمل، وطلعت لحمة وأكلت وعلى طول مش في العقيقة بس، ولكن أنا كنت نادر أعملها الليلة دي".

واختتم حمو بيكا كلامه: "عاوز أقول لكل واحد قريب ما تتصلش بيا تطلب مني شيء علشان أنت معاك اللي يديلك وبتطلب ببجاحة أنا مش هديك حاجة، هي الحاجة غصب ما تطلبش ببجاحة وقلة أدب، وخفوا شوية  أنا عملت سبوع بنتي إيه المشكلة في ناس بتعمل وبتجيب وبتتهادى بعربيات وألماظ هي الكحكة في إيد اليتيم عجبة".