بسنت شوقي تحدث ضجة بحديثها عن حملها وتكشف مباركات زملائها.. ما الحكاية؟

أثارت الفنانة بسنت شوقي جدلاً واسعًا بعد تداول أخبار تفيد بانتظارها لطفلها الأول من زوجها الفنان محمد فراج، لدرجة أن هناك عدد من زملائها الفنانين قاموا بمباركتها، الأمر الذي دفعها للخروج عن صمتها وتوضيح الحقيقة بنفسها عبر مقطع فيديو نشرته على حسابها في "إنستجرام".

بسنت شوقي تحدث ضجة بحديثها عن حملها وتكشف مباركات زملائها

وأكدت بسنت في الفيديو أنها ليست حاملاً، قائلة: "أنا مش برد على الإشاعات خالص، بس لقيت الموضوع بيكبر أوي أوي، وأنا لغاية النهارده جالي أكتر من 5 آلاف رسالة، سواء شخصية أو من الشغل بيباركوا لي وكده، وأنا حسيت إني لازم أطلع وأقول، أنا مش حامل"

وأوضحت أن سبب هذه البلبلة يعود إلى Story نشرتها مع زوجها محمد فراج، حيث أعلنا عن وجود "مفاجأة"، قائلة: "كل اللي حصل إني نزلت أنا ومحمد Story، إن فيه مفاجأة، والمشكلة إن محمد كان لازم بينك وأنا بقى لي فترة قاعدة بقول أنا مش قادرة أستغنى عن البينك، فالناس توقعت إني حامل في بنت”.

وأضافت: "والله العظيم أنا مش حامل، ولو أنا حامل، مش حاسة إن لا أنا ولا محمد هنقولها بالطريقة دي، وبعدين ليه بكرة حامل؟ ما أنا حامل النهارده، مش احنا".

واستطردت بسنت: "كان نفسي أقول لكم إن المفاجأة إني حامل فعلًا بس ما حصلش!، المفاجأة كانت الفيديو كليب "مستنيك" لحسين الجسمي، عشان أنا ومحمد عمرنا ما عملنا حاجة زي كده قبل كده، لإن الفيديو كليب بفكرته وإخراجه وكل حاجة، لأن هشام جمال عمل حاجة مختلفة جدًّا عشان كدة احنا فضلنا نقول مفاجأة كبيرة".

وفي ختام حديثها، وجهت بسنت رسالة شكر وامتنان لكل من بادر بإرسال التهاني والدعاء، قائلة: "عايزة أقول بس شكرًا جدًّا على كل المشاعر الجميلة، والدعاء اللي جالنا إن ربنا يرزقنا الذرية الصالحة يارب في يوم من ما ربنا يريد، وبجد أنا حاسة بكل الحب، بس لسه ربنا ما أرادش، وبعدين يا جماعة أنا خاسة أصلا!"