سيدات غني لهم عمرو دياب خلال 30 عام

ظهر امبارح اجدد ألبومات الفنان عمرو دياب، واللي عمل ضجة كبيرة جدا في كل مواقع التواصل الاجتماعي، واللي غنى فيه مخصوص لبرج الحوت، لكن دي مش أول مرة عمرو يخصص اغنية لحاجة معينة في حياته، لأنه على مدار مسيرته الفنية اللي استمرت اكتر من 30 سنة خصص بعض اغانيه لعدد من الستات اللي مروا في حياته، ولهلوبة هتعرفك عليهم في السطور اللي جاية:

عيني منك: 

الاغنية دي طلعت للنور عام 1987 ضمن ألبوم خالصين، وكانت مهداه للبنت اللي كان بيحبها وقتها "شيرين رضا"، واللي اصبحت مراته بعدها، وكمان ظهرت بنفسها كموديل في الكليب الخاص فيها، وهو اللي لحن الأغنية بنفسه، وكانت من كلمات مجدي النجار. 

متخافيش:
تاني أغنية يهديها عمرو لشيرين رضا وكمان تشاركه في تصوير الكليب الخاص بيها، سنة 1990، واتسمى الألبوم بنفس الاسم، وبردوا هو اللي لحن الاغنية، وكتب كلماتها مجدي النجار ووزعها حميد الشاعري.

قمرين:

هي الأغنية الرئيسية لألبوم دياب عام 1999 واللي حمل نفس الاسم، وغناها لبناته نور وكنزي، وكانت من كلمات الشاعر محمد رفاعي وتلحين شريف تاج.

كنزي:

عمرو غني لبنته في البوم علم قلبي اللي تم اصداره عام 2003 اغنية باسمها، وكانت من كلمات محمد الرفاعي وتلحين اسماء خالد.

لفيتها بلاد:

 من انتاج 2013 ضمن ألبوم "الليلة"، واللي غناها عمرو، اهداء منه لزوجته السعودية زينة محمد عاشور، وهى أم اولاده التوأم كنزي وعبد الله واخر العنقود جنا.

جنا:

عمرو غني لآخر العنقود في أطفاله جنى اغنية باسمها فى ألبوم شفت الأيام اللي تم انتاجه عام 2014، إلا ان الاغنية لم تحقق نجاح كبير زي ما حصل مع "كنزي".

اجمل عيون: 

الاغنية اللى كسرت الدنيا اول ما نزلت ضمن ألبوم صيف 2017 "معدي الناس" واللى قال فيها عمرو دياب ، "والله احبك موت واحب برج الحوت واعشق تفاصيلك ضحك وبكا وسكوت"، وتسآل كتير من الناس ليه عمرو دياب خصص الغناء للبرج ولمين ؟  جمهور لهلوبة شاركونا برأيكم

موضوعات متعلقة:

امرأة واحدة لا تكفي.. نساء في حياة أحمد زكي