الحقيقة الكاملة لخلاف ريم البارودي وريهام سعيد.. هجوم حاد وشتائم وتسجيلات صوتية تكشف الأمر

خلال الساعات القليلة الماضية، تداول رواد مواقع التواصل الاجتماعي عدة تسجيلات صوتية للفنانة ريم البارودي وهي تهاجم وتشتم صديقتها الإعلامية ريهام سعيد بالألفاظ الجارحة، لتشتعل الحرب بينهما.

فقد قامت ريهام سعيد بنشر هذه التسيجلات الصوتية لريم البارودي، عبر قناتها الرسمية على اليوتيوب، وعلقت قائلة: "رسالتك وصلتني، شكرًا".

وقالت ريم البارودي في التسجيلات الصوتية المتداولة، والتي كانت تتحدث فيها مع أحد الأشخاص، حاول فيما يبدو الصلح بينهما: "أيمن سليم برقبة وضفر ريهام سعيد، بتقارن مين بمين يا أهبل، لأ كده هعتبرك أهبل بالنسبة لي، وبص يا حبيبي لا تستفزني ولا استفزك بس متعملش نفسك صاحب حد والنبي أبوس إيدك، وبعدين مش دي اللي أنا معرفاك بيها؟، أيمن سليم ضفره برقبة ريهام سعيد وجزمة زينة برقبة ريهام سعيد.. والنبي إبعتلها الفويسات".

وتابعت ريم في التسجيلات الصوتية قائلة: "بتدافع عن مين يا حبيبي؟، عن واحدة فاجرة؟، تاني هقولها عن واحدة فاجرة، إذا خاصم فجر، بتدافع عن مين عن واحدة فاجرة، إذا خاصم فجر مذكروة في القرآن، مكروهة، ربنا إداها كل حاجة وخد منها كل حاجة، خليها كده ربنا بيعذبها أكتر وأكتر، اللهم لك الحمد عندي ناس زي الفل حواليّ".

وبعدها قامت الإعلامية ريهام سعيد بالرد على هجوم وشتائم صديقتها السابقة، عبر قناتها الرسمية على موقع "يوتيوب"، قائلة: "أنا مش هرد، لأن أرد أقول إيه طيب، لو حد سمع الكلام ده على نفسه من حد أكل معاه عيش وملح وكانت بتربطه به صداقة يرد يقول ايه، أرد بشتيمة أنا كمان أو بأساءة، لأ خالص".

وتابعت ريهام: "أنا هقول الحقيقة برضه هي مش وحشة، بجد تقولولي يعني تتشتمي كل ده وتقولي كده أقول أه، أولًا أنا أقسم بالله قاعدة بولادي أنا معرفش أنا اتشتمت ليه أنا صحيت لقيت نفسي بتشتم، بس أيًا كان هي مش وحشة هي بس غلاطة ولما بتتعصب بتغلط وبتغلط أوي زي مع ميسرة حاجات كلها ألفاظ وأخدت حكم وميرنا المهندس ميتة زعلانة منها".

وأكملت حديثها ردا على ريم البارودي: "هي طيبة وخدومة ووالله ما وحشة علشان بس أنا ربنا هيحاسبني، هي بس لما بتتعصب بتغلط جامد أوي، ومش معنى إني ما رديتش يبقى أنا متقبلة الغلط ولكن أنا مش هقدر، يعني حد النهاردة كلمني قالي ارفعي قاضية قولتله أنا ما أقدرش أرفع قضية على حد أكلت معاه عيش وملح وما أقدرش أسيء لحد أكلت معاه عيش وملح، دي مش تربيتي".

وقد نشرت ريم البارودي عبر خاصية القصص المصورة، عبر حسابها على "إنستجرام"، قائلة :"كل اخواتي وكل اللي بيحبوني بتمنى أنكم، متردوش على المرضى النفسيين، اللي بيحاربوا ريم البارودي لأن إذا خاصم فجر والنبي ماتزعلوا وخلينا نرد دايما بشغلنا".

وأعادت ريم البارودي مشاركة صورة لها، كان أحد معجبيها قد نشره على حسابه، جاء فيها: "مشكلتك انك معتبراني عدوتك، ومشكلتي اني مش شيفاكي اصلًا...".

والجدير بالذكر، أن سبب الخلاف بين ريم البارودي وصديقتها ريها سعيد، هو تقرب الأولى من الفنانة زينة، والتي كانت ريهام سعيد دائمًا ما تهاجمها، لتتوتر العلاقة بينهما، وبعدها قامت ريهام سعيد بتسجيل إعجابها بعدة منشورات للفنان أحمد سعد، طليق ريم البارودي، عبر حسابه على "إنستجرام"، مما زاد الوضع سوء.

موضوعات متعلقة:

ريم البارودي تكشف موافقة أكون زوجة ثانية وهذا ما قالته عن سمية الخشاب!

شاهد بالصور شقيقة الفنانة ريم البارودي

ريم البارودي تكشف لأول مرة سبب طريقة كلامها الغريبة عيب خلقي!

ريم البارودي تخرج عن صمتها وترد على اتهامها بإهانة أحمد سعد