تسريب صوتي منسوب للفنانة نجلاء فتحي تهين فيه الفنان عادل امام....ماذا جاء به؟

ضجة بمواقع التواصل الاجتماعي، بعد انتشار تسريب صوتي للفنانة نجلاء فتحي تحدثت فيه عن الفنان عادل امام وصفت فيه مشواره الفني بالفاسد، وجاء في التسجيل الصوتي الاتي:"عادل إمام اللي صنعه الجمهور لا حسني مبارك ولا أنور السادات، لذلك كان لازم يكون مع الشعب، وبعدين مشواره الفني كله فساد لمحبة الفساد".

وتابعت: "في نهاية فيلم السفارة في العمارة بيقول رسالة إن علاقتنا بالكيان الصهيوني هي اللي هتكون أفيد".

وأضافت: "لا أنا كفنانة عارفة... مبدأ اللف والدوران ده".

واكملت: "مرة زمان جه عادل إمام قال لي بنعمل مسرحية عشان هما مانعين عرض المسرحيات في الصعيد، وكان وقتها بيحارب الجماعات الإسلامية وما زال، قولت له والله يا عادل أنا بنتي عندها سنتين ومحتاجة لي بس".

وأردفت: "يا عادل إمام اللي عملك الشعب اللي دفع فيك تذكرة ووصل أجرك للملايين هو الشعب فكان لازم يكون لك موقف أو لا موقف، ده مش مطلوب منك أنت بتمسح جوخ لمين"؟

واختتمت الفنانة نجلاء فتحي: "أنت نجم كبير هما اللي يمسحوا جوخ بيك، يا تقف مع الشعب يا تسكت وتقفل عليك الباب، عادل إمام سقى الشعب العسل المر، يطلع لك الفاسد بقى معاه مليون جنيه وهو اللي بيحكم البلد".

"كان يطلع يشتم في الفاسد شوية، اشتمه وماله بس في النهاية قفلت الشاشة على إيه؟ قفلت الشاشة على إن الرجل ده استولى على البلد، وفي السفارة في العمارة اعمل مشهد عريض عن رجل أعمال بيقنعك تاخد حتة من التورتة وعادي ما كلهم هياخدوا"، "أنا عشان فنانة فاهمة كان بيعمل إيه".

"زمان كنت مهتم بالمواطن الغلبان وقدمت دور الغلبان اللي بيتضرب على قفاه، لكن من أول الثمانينيات ولحد الآخر 40 سنة بتشرب الشعب اللي الحكم عايزه".