رامي إمام يفجر مفاجأة عن عودة عادل إمام للتمثيل في هذه الحالة

عاد الحديث عن الفنان الكبير عادل إمام مرة آخرى، وفكرة العودة إلى التمثيل والتخلي عن الاعتزال الذي تحدث عنه ابنائه منذ فترة، بشكل غير مباشر، حيث كشف المخرج رامي إمام، تفاصيل عن حياة والده النجم الكبير عادل إمام، وأوضح تفاصيل اعتزاله وشرط العودة إلى التمثيل مرة آخرى.

رامي إمام يفجر مفاجأة عن عودة عادل إمام للتمثيل في هذه الحالة

فقد طمأن المخرج رامى إمام، من خلال لقاء ببرنامج et بالعربى، جمهور الفنان الكبير عادل إمام عن صحته، وذكر تفاصيل عن حياته الشخصية، قائلًا: "أنا مش محتاج أطلع أطمن الناس على الزعيم عادل إمام كل شوية لانه مفهوش حاجة، احنا طول عمرنا من وقت ما كنت صغير انا واخواتي واحنا بنسمع شائعات عننا وعنه، أما نروح شقة يقولوا عمارة عادل إمام لو بناكل في مطعم يقولوا بتاع عادل إمام فبقينا نتعامل مع الموضوع عادي وطبعا مع الوقت الشائعات بتتغير والناس بتقول أنه اكيد مريض لكن طبعا لأ هو كويس جدا جدا جدا وبيستمتع مع أحفاده والشائعات مش بتأثر فينا لأننا متعودين لكن هو شايف ومتابع كل حاجة وساعات بيتأثر بده بس عارف جمهوره كويس ومتفهم أن الحاجات دي طبيعية".

وعن إمكانية عودة الزعيم عادل إمام للتمثيل مرة آخرى، قال: "هو وجهة النظر بالنسبة له إنه هو عمل كل حاجة، فلو فيه أي دور هيتعرض عليه جديد تمامًا عن اللي عمله طبعًا ياريت، والموضوع مش اعتزال، وكل مرة بتسأل السؤال ده، وهو مش اعتزال طبعًا لكن الواحد بيوصل لمرحلة طب أنا دلوقتي عملت الشخصية دي والكاركتر ده والحمد لله أنجزت وأثر في تاريخ مصر بشكل كبير، طب ايه الخطوة اللي جاية، هعمل ايه؟، هل أنا بالنسبة لي هعمل دور مختلف عن اللي عملته أه أكيد في طموح وفيه فكر لكن لو مجتش حاجة مناسبة للحاجة في التوقيت ده اللي أنا عايزه، ليه أعملها، مش مجرد الظهور وخلاص ده عادل إمام".

وفي الفترة الماضية، كان الفنان محمد إمام، طمأن جمهوره على صحة عادل إمام، وذلك خلال لقاء تليفزيوني على هامش مشاركته فى افتتاح ستديوهات الحصن فى المملكة العربية السعودية، وقال: "مفيش غير عادل إمام بس هو اللي نمرة واحد، لانه حالة خاصة، وهو زي الفل ومفيش اي حاجة".