هنا الزاهد تتحددث بصراحة عن فترة الانفصال: "مش فاكرة أي ذكريات.. 5 سنين اتمسحوا من حياتي"

في حوار صريح ومؤثر ضمن برنامج "ABtalks" الذي يقدمه الإعلامي أنس بوخش، أطلت الفنانة هنا الزاهد كضيفة مميزة لتفتح قلبها أمام الجمهور، متحدثة عن محطات صعبة مرت بها، كان أبرزها فترة الانفصال، والتي وصفتها بأنها الأصعب على الإطلاق في حياتها.

هنا الزاهد تتحددث بصراحة عن فترة الانفصال

أكدت هنا أنها تجاوزت مرحلة الانفصال بمفردها، دون الاعتماد على دعم أي شخص، على الرغم من محاولات أهلها وأصدقائها لمساعدتها. وقالت بوضوح: "الناس اللي حواليا كانوا فاكرين إنهم بيساعدوني، بس الحقيقة إن محدش ساعدني غير نفسي. كانت تجربة صعبة جداً ومش بتمنا لحد يعيشها. أنا اللي قررت أبقى كويسة وقلت لنفسي لازم أعدي المرحلة دي".

وتطرقت هنا الزاهد إلى مشاعرها خلال تلك الفترة، موضحة أنها لم تكن تتمنى الانفصال على الإطلاق، لكن الظروف أجبرتها على هذا القرار. وأضافت: "ناس كتير كانوا بيسألوني ليه كده؟ وكان الكلام ده بيوجعني جدًا، لأن أنا أكيد مكنتش عايزة ده يحصل، ومفيش حد بيحب يشوف حياته بتنهار كده، بس للأسف ده اللي حصل".

واسترسلت هنا في حديثها، مشيرة إلى أنها فقدت تمامًا أي ذاكرة عن تلك الفترة، حتى الذكريات الجميلة، قائلة: بنا جميل أوي أن هو خلاني أنسي والله العظيم أنا مش فاكره الذكريات مش فكراها..! والله ما فاكره حاجه كأنها أتمــسحت.. ذاكرتي أتمـسحت إزاي 5 سنين أتمسحوا".

واختتمت هنا الزاهد كلامها بتأثر واضح، وقالت: "في الأول خالص أنا كنت فاكره، دعيت ربنا بجد قولت يارب شيلي كل الذكريات حتي الذكريات الحلوة مش عايزة أفتكر حاجه خالص وفعلاً كل حاجه أتمـسحت فـعارفه أبتدي حياه جديده .. عارف أنا بتجي لحظة والله مش بأڤور بقول لنفسي اي ده هو أنا كنت متجوزة فعلاً هو أنا أزاي عشت 4 سنين في بيت واحد مش فاكره الذكريات مش فاكره حاجه حاسه أن ربنا شالي كل حاجه من قلـبي ومن دمـ اغي بجد.. ربنا ده جميل أوي".

والجدير بالذكر أن الفنانة هنا الزاهد كانت قد أعلنت انفصالها رسميًا عن الفنان أحمد فهمي في نوفمبر 2023، بعد زواج دام أربع سنوات، وذلك عبر منشور على حسابها في إنستجرام قالت فيه: "الحمد لله تم الانفصال بيني وبين أحمد فهمي رسميًا بعد 4 سنين زواج.. وربنا يكتب لكل واحد فينا الخير".