ابن هشام سليم المتحول جنسيًا يدافع عن سارة حجازي: أنا زيي زيها

أثار نور ابن الفنان هشام سليم المتحول جنسيًا، الكثير من الجدل، وذلك بعد خروجه مدافعًا عن سارة حجازي بعد انتحارها منذ أيام، بسبب معاناتها في مواجهة المجتمع ومعاملتها مع الآخرين بعد إعلان مثليتها.

وأوضح نور هشام سليم من خلال مقطع فيديو جديد بثه عبر خاصية القصص المصورة عبر صفحته الشخصية بموقع انستجرام، معلقًا على انتحار سارة حجازي ورفضه هجوم البعض عليها، قائلًا: "اللى راضي بيا ومش راضي بملك الكاشف يبقى منافق، اللي راضي بيا ومش راضي بسارة حجازي يبقي منافق، واللى هييجي يقول لا أصل ده الدين ودا الإسلام، لا دا دينك أنت وحياتك أنت، وبراحتك تفكر بطريقتك بس متفرضش دينك عليا أو على سارة أو على ملك".

وأضاف نور هشام سليم: "فين الإنسانية يا جماعة، اللى هييجي يقول لا أصل انت عادي بس المثليين والمثليات حرام، هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فأنا قدام ربنا اللى عملته ده غلط، بس انتوا كلكم ماشيين حبيبي يا نور وأنت زي القمر وعيش مبسوط، بس سارة حجازي ماتت بس أحسن وإن شاء الله الدود يأكلك".

وتابع ابن هشام سليم حديثه قائلاً: "هتقولوا عليا كدا لما اموت؟ عادي مش فارقلي، بس لو انت بتشرب وبـ... وبـ....، أنا زيي زي سارة حجازي، واللى مش راضي بيها مش راضي بيا، واللى مش راضي بيها مش عاوزه عندي".

وتابع نور حديثه: "احنا بني آدمين يا جماعة، الجريمة بتاعتها ايه؟ انها بتحب البنات؟ انتوا مش ملائكة علشان ترحموا الناس، فهموني أو فهموا نفسكم، أنا مش عارف انتوا ليه بتدعموني ومش بتدعموا الناس التانية، أنا مش فاهم ليه الدعم دا كله ليا".

واختتم نور هشام سليم حديثه، قائلاً: "انتوا لو فاكرين لو ده اختيار اني اطلع مثلي أو مثلية يبقوا انتوا مش فاهمين حاجة خالص، ليه اختار إن أنا اتغذب، ليه اختار حاجة زي كدا، فكروا فيها".

كانت المصرية سارة حجازي قد انتحرت في كندا حيث كانت تقيم قبل أيام، عن عمر يناهز الـ 30 عامًا، بعد رسالة تركتها بخط يدها، قالت فيها: "إلى إخوتي.. حاولت النجاة وفشلت، سامحوني. ِإلى أصدقائي.. التجربة قاسية وأنا أضعف من أن أقاومها، سامحوني.. إلى العالم.. كنتَ قاسيا إلى حد عظيم، ولكني أسامح".

وكانت سارة حجازي قد أعلنت مثليتها الجنسية عام 2016، ثم تعرضت للمسائلة القانونية إثر تورطها بتهم مرتبطة بالمثلية الجنسية في مصر، ثم غادرت البلاد لتقيم في كندا منذ عامين.

موضوعات متعلقة:

مجموعة من الصور تعرض نجل هشام سليم لتهمة الشذوذ والاخير يرد بفيديو غريب

نور هشام سليم ينشر صورا له مع والده دون علمه

نور هشام سليم مهدد بالسجن ووالده يدافع عنه بقوة

أمير طعيمة يهاجم بجرأة المدافعين عن المثلية ماذا قال؟