مها أسامة التي تبحث عن الزواج عبر الفيسبوك: اللي مهتم يعرف تفاصيل هيعرف يوصلي إزاي

كشفت مها أسامة، الفتاة التي ظهرت في بث مباشر عبر حسابها الشخصي على موقع التواصل الاجتماعي فيسبوك لتعرض نفسها للزواج، أن الشركة التي تعمل بها قامت بالاستغناء عنها، بعد عرض الزواج الذي قدمته على منصات السوشيال ميديا.

وأوضحت مها ما جرى معها، حيث كتبت: "خسرت شغلي، بس إن شاء الله اللي جاي أحسن"، حيث تضامن معها الكثيرون بسبب ذلك.

وكانت مها إسامة، صاحبة الـ 32 عامًا والتى أثارت الجدل بسبب البث المباشر الذي قالت فيه: "أنا مها أسامة عندي 32 سنة، وعارضة نفسي للجواز على الفيس بوك، وعارفة إن القرار مش سهل وهيجيبلي مشاكل كتير".

وأضافت: "مفيش خروج ومفيش كافيهات ومفيش جيمات والدولة شايفة إن ده الصح عشان تحافظ على صحة مواطنيها، والطبيعي دلوقتي أن كل بني آدم يعمل اللي هو شايفه صح، زي ما الدولة عملت وخدت الإجراءات عشان تحافظ علينا كل واحد يعمل اللي شايفه صح اللي يحافظ على سلامته".

ثم إختتمت قائلة: "كان ممكن اعمل زي البنات اللي على التيك توك، اللي هي بتلبس لبس غير محترم وبتعمل حركات غير محترمة، بس أنا أعلى من كده، عشان كده عارضة نفسي للجواز على الفيس بوك، واللي شايف نفسه جاد يبعتلي، أنا مش هتكلم عن نفسي كتير ومش هقول تفاصيل، بس اللي مهتم يعرف تفاصيل هيعرف يوصلي إزاى".