أمير طعيمة يهاجم بجرأة المدافعين عن المثلية.. ماذا قال؟

شن الشاعر الغنائي أمير طعيمة هجومًا شديدًا، على كل من يدافع عن قضية المثلية والإلحاد ويروج على أنها حلال ومباحة، معبرًا عن استيائه من حملة التعاطف مع المثليين والملحدين.

وكتب أمير طعيمة عبر حسابه الشخصي على موقع التغريدات "تويتر": "بعد ما دافعوا عن المثلية الجنسية وبدأوا كمان يقنعوك إنها حلال، ده غير إن الالحاد ما يغضبش ربنا في حاجة، ما استبعدش يدافعوا عن زنا المحارم بحجة إن الطرفين مأذوش حد وأنها حرية شخصية".

وتابع :"احنا مش شيوخ، بس لما بنعمل معصية بنبقى عارفين إنها معصية، مش بنغير ثوابت عشان نريح ضميرنا".

وكان نور ابن الفنان هشام سليم قد خرج منذ أيام مدافعًا عن الناشطة المنتحرة سارة حجازي، وعن المثليين، وأعلن أنه تحول جنسيًا ولم يجري عملية تصحيح جنسي كما أشيع وقتها، قائلًا: "اللى راضي بيا ومش راضي بملك الكاشف يبقي منافق، اللى راضي بيا ومش راضي بسارة حجازي يبقي منافق، واللى هيجي يقول لا أصل دا الدين ودا الإسلام، لا دا دينك انت وحياتك انت، وبراحتك تفكر بطريقتك بس متفرضش دينك عليا أو على سارة أو على ملك".

وأضاف نور هشام سليم: "فين الإنسانية يا جماعة، اللى هيجي يقول لا أصل انت عادى بس المثليين والمثليات حرام، هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فا انا قدام ربنا اللى عملته دا غلط، بس انتو كلكم ماشيين حبيبي يا نور وأنت زي القمر وعيش مبسوط، بس سارة حجازي ماتت بس أحسن وإن شاء الله الدود يأكلك".

وأكمل حديثه: "هتقولوا عليا كده لما اموت؟ عادي مش فارقلي، بس لو انت بتشرب وبتزني وبتحشش، أنا زي زي سارة حجازي، واللى مش راضي بيها مش راضي بيا، واللى مش راضي بيها مش عاوزه عندي".

موضوعات متعلقة:

ابن هشام سليم المتحول جنسيًا يدافع عن سارة حجازي أنا زيي زيها

أول تحرك قانوني ضد ابن هشام سليم بسبب تحوله الجنسي وتصريحاته المثيرة للجدل

هشام سليم ونجله بملابس البحر بعد نفيه لتصريحه الأخير

معلومات لا تعرفها عن نور هشام سليم المتحولة جنسيًا