سماح أنور تحدث ضجة بحديثها عن الموت.. ماذا قالت؟

حلت الفنانة سماح أنور ضيفة على برنامج "لحظات جريئة" الذي يذاع على قناة القاهرة والناس، وكشفت خلال اللقاء عن رغبتها في الموت منذ أن كانت صغيرة، حيث قالت: "الموت ده حبيبي مش بخاف منه، لكن أنا بخاف من الحياة، طول عمري نفسي أموت، لأن أنا عارفة اللي في الحياة لكن لما أموت هعرف اللي جاي، وفي نفس الوقت عاوزة أعرف إذا كان الناس لذيذة جدًا كده أمال اللي خلقهم يبقى إزاي".

وتابعت: "أنا عاوزة أقعد مع ربنا لكن مش عاوزه أقعد مع اللي خلاص عرفته، الموضوع زي ما تكون في فيلم وقرب يخلص فعاوز تقوم بقى عشان تشوف هتروح فين تاني، عاوزة طول الوقت أعرف ما بعد حياتنا، لأن إحنا مصعبنها أوي على بعض، فحاجة خنقة، وأكيد الوضع بعيد عن الكوكب ده أكيد هيبقى أفضل".

يذكر أن الفنانة سماح أنور كانت قد أثارت الجدل خلال الفترة القليلة الماضية بعد حديثها عن الحجاب الذي جاء فيه: "ربنا خلقلي شعري، فهل فيه مشكلة؟، ولا عورتي هي المشكلة، أنا بشوف محجبات في الشارع لابسين استرتش، هل ده يرضي ربنا؟، أنا مش بشتغل في الدين علشان أتكلم فيه، أنا واحدة لو حطيت حاجة على شعري اتخنق".

وبعد هذا الحديث، انهالت التعليقات السلبية على سماح أنور، والتي جاء من بينها: "الله يهديها وتتحجب" و"تتنفسين من شعرك ولاخشمك يا قلبي غطي شعرك قبل لايغطونك بالكفن، "الحجاب فرض لكل مُسلمة وبالمُقابل غض البصر فرض على كل مُسلم، صحيح في الصيف الحجاب يخنق جدًا بس كله بأجره وما في شي يضيع عند رب العالمين، حسبنا الله خلاص كل مرة تطلع لنا واحدة تتكلم ع النقاب والحجاب وكل واحد يفسر القرآن من كيفه بعد، ليش الناس يدرسون القرآن وتفسيره خلاص ماله داعي لأن على كلامهم الله خلقني كده، مو طبيعي الهجوم اللي صاير عليه ما تسوى علينا قطعة قماش نستر فيها نفسنا".


موضوعات متعلقة:

هجوم عنيف على الفنانة سماح أنور بسبب رأيها في الحجاب ماذا قالت؟

يسرا تظهر للمرة الأولى بعد التعافي من فيروس كورونا لمساندة سماح أنور ما الحكاية؟!

السبب الحقيقي وراء إنكار الفنانة سماح أنور لإبنها الوحيد