رد جريء من الفنان أحمد فلوكس على الفنانة الهام شاهين....شاهد ماذا قال؟

رد الفنان أحمد فلوكس على تصريحات الفنانة الهام شاهين من خلال حسابه الرسمي على موقع التواصل الاجتماعي "انستجرام" والتي جاء بها: "بيصعب عليا لما بأشوفه كده" وذلك من خلال برنامج العرافة الذي تقدمه الاعلامية بسمة وهبة ويذاع على قناة المحور.

وعلق الفنان على التصريحات قائلا: "بيدولي أكتر من حجمي... هي كل حاجة عندك لازم الحجم الأول، ماشي... هذا فيديو به الرد الأمثل على كل ما قلتيه وعلى شخصك ولسانك ليرى الناس بعينهم الحق من الباطل والمريض من السوي ومين يصعب على مين".

وأضاف: "لما أكتر من حجمي... وبعدين فتنة فنية... هو اللي يقول على الملأ كنا بنبوس زمان وفين زمن البوس الجميل مش ده عايز التريند برده؟ وإيه اللي حصل للدنيا دي مش فتنة... وتخلي شكلنا أمام الناس إن إحنا بقرون وبرخصة لامؤاخذة. طب انتي ولا محترمة سنّك ولا محترمة مكانتك ولا محترمة حد، وده من الأول حتى والدك، إحنا ذنبنا إيه يطلع شكلنا كده... وبعدين فتنة علشان محترم... وتريند إيه اللي هاركبوا... هو أنا اللي بقول تصريحات فاجرة خارج عاداتنا وتقاليدنا علشان ابقى تريند! ده انتي حتى فرحي كنت هاتحتفلي بيه قال علشان تبقي نايبك من الحب جانب، وبعدين أضواء إيه يا أستاذة، أنا طول عمري شغلي هو اللي بينورني مش الجيبة يا فندم، وبعد كل ده تقولي نفسياً وصعبان عليكي، أنا اللي صعبان عليكي بردوا، طب ووالدك مكنش صعبان عليكي وانتي مش عملاله اعتبار، وكل الفنانين بيصعبوا عليكي، على أساس إن حضرتك عالمة فلك أو عالمة فضاء وبنصعب عليكي".

واختتم أحمد فلوكس قائلاً: "نشكرك يا مدام إلهام، وبعدين محامي فنانين مين حضرتك ليه، على أساس إن مافيهاش رجالة فمستنيين ست هي الحامي لينا، على فكرة السيستم ده يمشي في البيت عند حضرتك لأنك كبيرة بيتكم وأخواتك، لكن عندنا لا ما تربتش على اللي بتقوليه ده، الراجل عندنا لامؤاخذه راجل مابيستناش حاجة من ست، بل بيعزها ويكرمها، بعد كل ده بتقولي مش هارد هههه، عموماً أنا علشان سنّك ومكانتك مش هارد، وأشكرك بالنسبة لتعبان من أي حاجة فعيب يا أستاذة هو كلامك كله كده تعبان، اكتر من حجمه، لا مش تعبان ياست الكل وحتى لو تعبان الحمد لله أنا ماعنديش حاجة تستخبى، واللي بيته من إزاز يعمل إيه؟".

موضوعات متعلقة:

بعد إعلان تبرعها بأعضائها إلهام شاهين تثير الجدل بحديثها عن الزواج في هذا العمر!

إلهام شاهين تعلق لأول مرة على جرأة رانيا يوسف وهذا ما قالته!