سعد الصغير يهاجم المطربة بوسي لهذا السبب....ما علاقة والدها الراحل بالأمر!

هاجم الفنان الشعبي سعد الصغير المطربة بوسي بعد وفاة والدها من خلال تصريحات صحفية قائلا: "زعلان من بوسي جداً، حتى لو أبوها جاحد كان ممشيها مبتاكلش، إحنا بنروح عزاء ناس مبنعرفهمش؛ تعتبر إنه بتاع أمن غلبان تروح تديله أي حاجة... دي بتنزل من العربية وتدي بتاع الركنة 100 جنيه... اعتبريه شغّال معاكي في الفرقة... الحنية محدش بيشتريها".

وأضاف: "أحمد السبكي وقّف معاكي لما كان جوزك حابسك، وحمدي بدر ده اللي عملك ومعزمتناش في فرحها، وإحنا بالنسبة لها بيئة".
وكانت المطربة بوسي قد تجاهلت خبر وفاة والدها وذلك جراء الخلافات الدائمة التي كانت بينهما منذ صغرها

يذكر أن أخر ظهور لوالد المطربة بوسي كان من خلال مقطع فيديو شكى فيه ابنته الفنانة قائلاً « بنتي مش بتسأل عليا ومن فترة وانا معرفش عنها أي حاجة، انا عندي 77 سنة ومش قادر أتحرك وتعبان ومش بشوف بعيني ومحتاج أعمل فيها عملية».

لترد عليه المطربة بوسي قائلة: "انا لو عاقة مكنتش أطلب من أمي إني أنزل اشتغل وأنا عندي 15 سنة، علشان اساعدها، وانا اتولدت وأبويا مش موجود في حياتي، كان مطلق أمي وهي حامل فيا بشهرين"

وأضافت: "أنت كنت فين وأنا وسط المشاكل، وكنت محتاجة حد يقف جنبي وأحس إني ليا ظهر".

وتابعت: "مفيش بينا علاقة أصلاً.. واللي ربتني أمي وأقاربها، وكنت بشوفه في الشارع مقدرش أقوله يا بابا.. انا عندي إخوات تانيين من أم تانية، ومكنش حتى بيصرف عليهم، ومجوزش ولا واحدة فيهم، والدي اتجوز كتير وعندي أخ لو شوفته في الشارع معرفوش.. أنا محستش من ناحيته بحنية الأب.. وأنا مقصرتش معاه رغم قلة الحنية، ولما بعرف إنه عاوز فلوس ببعت مع ناس، وفيه ناس عارفة الكلام ده".

موضوعات متعلقة:

سعد الصغير يهاجم الفنانة غادة عبد الرازق بسبب والدته ما الحكاية؟

اعلان هذه الفنانة الشابة زواجها من سعد الصغير يثير ضجة على مواقع التواصل الاجتماعي!

زوجة سعد الصغير الثانية تكشف لأول مرة أسرار ارتباطهما بعد الهجوم عليها تفاصيل جديدة

شاهد بالصور الزوجة الأولى للفنان سعد الصغير واولاده منها!