ضرّة المطربة بوسي تصرح "زوجي وعدني بتطليقها"....ما الحكاية!

صرحت منة محمد الزوجة الأولى لهشام ربيع زوج المطربة بوسي، عن تفاصيل عودتها إليه بعد الطلاق، موضحة أنه أقنعها بضرورة العودة من أجل أولادهما، قائلة: "هشام وعدني إنه هيطلق بوسي، وأقنعني أرجع له عشان الأولاد.. ولحد دلوقتي مطلقهاش، ولو قرر يطلقني هتكون الأخيرة، وهتقبّل أن ربنا مش كاتب لنا نصيب ويروح يشوف حياته، وهو راجع لي وهي مش موافقة وطالبة الطلاق منه دلوقتي".

وأضافت: "عمري ما هتقبّل وجود زوجة تانية، هو فيه ست بتقبل ضرّة؟ وأنا مش بتعامل معاها إحنا من الشرقية بس هي في حتة وأنا في حتة، وحالياً كلنا متخانقين وكل واحد عايش في بيت لوحده وبوسي اشترطت على هشام يطلّقني".

وتابعت: "حسيت أول ما هشام علاقته اتطورت ببوسي، وفي الأول كنت حاسة إن فيه شخص تاني في حياته وعرفت من حد أنها بوسي، وطبعاً رفضت قام مطلّقني يوم الخميس ولقيته أتجوز السبت... وكانت خناقتنا أنا وهشام على طول بسبب علاقته ببوسي... أنا حسيت أول ما هشام وبوسي اتعرفوا على بعض وعرفت علاقتهم لأنه كان متغيّر شوية، وعلاقتهم اتطورت لما كنت في مشاكل مع هشام بسببها، حاولت أخبّي على ولادي زواج والدهم ولكنهم عرفوا وزعلوا من كلام الناس... وهو حالياً عايش في شقة لوحده ولا معايا ولا معاها... كلنا متخانقين".

واختتمت: "أنا عندي ولدين توأم 13 سنة وبنت 4 سنين وطبعا فهموا أن والدهم اتجوز من تعليقات الناس وبقول لهم إنها فترة وهتعدي وهشام هيبقى معانا تاني وأنا مش عارفة هعمل إيه هل هيطلقني ولا هيطلقها لأن لازم واحدة منا تكمل... ولو طلقني تاني هتقبّل إنه اختار طريقه وربنا مش كاتب لنا نصيب مع بعض... هشام مش مقصّر مع ولاده وبيصرف عليهم ومش مخليهم محتاجين حاجة وبيزورهم، والفترة الجاية هنشوف الدنيا هتمشي إزاي".

موضوعات متعلقة

سعد الصغير يهاجم المطربة بوسي لهذا السبب....ما علاقة والدها الراحل بالأمر!

هجوم عنيف على المطربة بوسي بسبب هذا النيولوك!