تعرف على عدد زيجات الفنانة الاستعراضية دينا وما هي أكثر المواقف المحرجة التي تعرضت لها!

حلت الفنانة الاستعراضية دينا ضيفة على برنامج "كلمة أخيرة" الذي تقدّمه الإعلامية لميس الحديدي ويذاع على قناة ON وخلال اللقاء تحدثت عن عدد زيجاتها وأكثر المواقف المحرجة التي تعرضت لها قائلة:"وقعت كتير وأنا برقص، وواحدة كعبلتني في فرح بالقصد، لكن أنا رجعت لها، وقُلت لها هتستفادي إيه؟ فقالت لي كنت بهزّر، قلت لها كنت هقع، لكن الحمد لله ربنا ستر وأخدت بالي".

وأضافت: "أنا دايماً بدخل الأفراح بجري فبتحصل لي إصابات كتير".

وعن عدد زيجاتها قالت: "أتجوزت 9 مرات والرقم ده قليل، الست تحية كاريوكا كانت عظيمة وأتجوزت 13 مرة وأنا بتنافس معاها".

وعن أسرع زواج قالت دينا: "أقل جوازة قعدت سنة، أما أطول فترة زواج فكانت خمس سنين وشوية، وزوجي سامح ربنا أراد إني أقعد معاه سنتين بس، وأكتر حد حبّيته شخص مش معروف ومكملناش مع بعض عشان الظروف وعشان مهنتي صعبة".

وعن أهم أسباب الطلاق المتكرر بالنسبة لها قالت: "ببدي مهنة الرقص على الحياة الزوجية ودي وجهت نظري".

وتابعت: "لو أنا اتنازلت عن حاجة بحبها، هطلب في المقابل حاجات كتير محدّش هيقدر يعملها، حرام أظلم حد وهقول يعوضني لأن محدش هيعرف يعوضني... لو سبت الرقص مش هبقى دينا هبقى واحدة تانية مكسورة، متاخد منها حاجة بتحبها، زي الأم اللي متاخد منها ابنها... ومحدّش هيعرف يعوضني عن الرقص، وأنا بقول حاجتين أساسيتين قبل الزواج وهما أول حاجة مش هسيب الرقص، تاني حاجة لما تزهق ماتبصش لحد تعالى قولي وأنا همشي".

وأضافت: "أتخنت كتير لأني مش فاضية، والشغل كان بيبتدي من 9 بالليل لـ6 الصبح، والراجل اللي هيستحمل الست اللي بتشتغل في الوقت ده لازم ياخد جائزة نوبل".

موضوعات متعلقة:

الراقصة دينا تثير الجدل بظهورها بالحجاب.. هل تجسد شخصية السيدة زينب؟!

الفنانة دينا بالحجاب وتعلق قريبا ما الحكاية؟!

دينا تهاجم زينة بعد تصريحاتها حول عدم حضور المهرجانات السينمائية