حلا شيحة تكشف سبب ضرب والدها لها بالقلم مرة واحدة في حياته

كشفت الفنانة حلا شيحة عن سبب ضرب والدها لها لأول مرة بحياته، وذلك خلال استضافتها في برنامج "ع المسرح" المذاع على قناة "الحياة"، بقيادة الإعلامية منى عبد الوهاب، حيث حكت عن كثير من المواقف الشخصية التي تعرضت لها في حياتها، وسبب تحريمها الفن والعودة إليه مرة آخرى.

حلا شيحة تكشف سبب ضرب والدها لها بالقلم مرة واحدة في حياته

وحكت الفناة حلا شيحة عن تعرضها لموقف صعب مع والدها منذ فترة طويلة، أدى إلى ضربها بالقلم، لأول مرة في حياته، قائلة: "جيت في مرة وكنا عايشين في العجمي كنا عايزين نخرج كلنا وبابا مكنش راضي فعملنا اتفاق اننا هنروح المشوار اللي هنروحه من غير ما هو يعرف بس نرجع بدري، بس المشكلة بقى اننا اتأخرنا وطبعا لما رجعنا سألني انتوا كنتوا فين؟ فقلت له كنا هنا جنب البيت، قاللي لأ انا عارف انكوا كنتوا في المكان ده فسكت طبعا".

وتابعت "شيحة": "هنا أختي أول واحدة جريت من قدام بابا بعد ما اكتشف أننا خرجنا بدون إذنه، في الآخر زعق معايا أنا وأخدت قلم منه ودي المرة الوحيدة اللي في حياته اللي مد أيده عليا وضربني غير كده مضربنيش تاني وهذا أول عقاب ليا في حياتي".

وأوضحت خلال حديثها أن والدها يكره الكذب ولم يربيها على هذا، قائلة: "الحاجة الوحيدة اللي كانت مضايقة بابا مني الكذب، وأنا بطبعي كبرت ومش بحب اكذب واللي حساه بقوله وبعمله ومعنديش حتة أني اعرف اكذب، ومبعرفش أخفي حاجة لإن بيظهر علي وشي علطول إني هكذب".

ومن ناحية آخرى، تحدثت حلا شيحة خلال برنامج "ع المسرح"، عن تجربتها الصعبة التي عاشتها في كندا منذ فترة، خلال زواجها واستقرارها هناك، قائلة: "عشت مرحلة صعبة في حياتي لما كنت عايشة في كندا. كنت في مفترق طرق وجت فترة كان فيها جواز وطلاق، ومكنتش عارفة اعمل ايه."

وأضافت: "أنا ست زي كل الستات عايزة اقف علي رجليا ويبقى ليا كيان وعندي 4 اولاد عايزة احافظ عليهم واعملهم حاجة. واخدت وقت طويل جدا علشان اقول اني ست قوية واقف وابقى ست جدعة واعمل الحاجة الصح علشاني وعلشان ولادي."

وتطرقت للحديث عن الهجوم الشديد التي تعرضت له بعد قرار عودتها للفن، قائلة: "مهما كان حجم الهجوم اللي بتعرض له انا بعمل اللي انا حساه واحيانا بنخطئ واننا نتعلم ده مش ببلاش، وانا كنت محتاجة حد قدامي يطلع اللي جوايا ومرة دخلت لايف كوتشينج كان مؤثر في حياتي وبعدها قعدت ساعة أعيط في أوضتي".