هنا الزاهد تقضي شهر العسل في المستشفى.. وأحمد فهمي: الموضوع بايخ ومفاجئ

نشر الفنان أحمد فهمي منذ أيام، تدوينة جديدة من سنغافورة، حيث يقضي شهر العسل رفقة زوجته هنا الزاهد، موضحًا أن الأخيرة قد تعرضت لوعكة صحية مفاجئة، ودخلت على إثرها المستشفى، مؤكدًا أن ذلك بسبب تركيز الناس معهما بشكل كبير، وأن "العين فلقت الحجر" على حد قوله.

وبعدها حرص أحمد فهمي على طمأنة الجمهور والزملاء على حالة هنا الزاهد الصحية، بعدما تنمى لها الشفاء الكثير من المتابعين والفنانين، وكتب عبر حسابه على موقع التواصل الاجتماعي "فيس بوك"، قائلًا: "شكرا لكل الناس اللي بتسأل على هنا ومعلش مش عارف ارد على كل الناس لانى كنت محتاس لوحدى، الموضوع اننا فى المستشفى هنا فى سنغافورة وهنقعد ثلاث أيام تحت الملاحظة ولو محصلش تحسن هيبقى في جراحة، الموضوع بايخ ومفاجئ".

وأكمل "فهمي" حديثه: "بشكر د/ أشرف زكى فعلا، والدكاترة المصريين د/ أشرف أبو الهوا ود/ أحمد نجم اللي متابعين من مصر الحالة مع الدكاترة هنا، وبشكر معالي السفير محمد أبو الخير اللي واقف معانا جامد هو والمصريين في السفارة على رأسهم أ/ محمد زغلول وطبعا أ/ ضياء محمد كامل اللي واقف جنبي جامد من مصر، إن شاء الله خير".

وكان فهمي قد نشر صورة لهنا الزاهد من داخل المستشفى، منذ أيام، وأعلن عن مرض "هنا" المفاجئ، وعلق على الصورة، عبر حسابه على موقع "إنستجرام"، قائلًا: "عامة أنا ماليش فى الحركات دى خالص ولا عمرى كنت هجيب سيرة ولا أنزل صور زى دي وبقالى شوية بهزر مع صحابى الزملكاوية على الماتش، بس إحنا برا مصر "أنا وهنا" وبقالنا يومين بنروح لدكاترة عشان "هنا" تعبانة ودلوقتي رحنا لتالت مرة عشان تعبت تاني جدا.. بجد فى ناس مركزة أوى أوى أوى معانا لدرجة إن فى مهرجان (مش الجونة) كان من كام يوم مبيسألوش أى حد من الزملا عن الجائزة اللي واخدها، لا بيسألوهم عننا وعن الفرح وعن تدخلى فى شغل هنا، بجد شكرًا جدًا لكل الناس اللي فرحنالنا من قلبها وربنا يديم النعمة، أما بجد اللى مركزين أرجوكوا الحياة مش ناقصة، إحنا فى شهر العسل وبايتين أهو فى المستشفى".

كان العروسين، قد احتفلا بزفافهما، يوم 11 سبتمبر الجاري، في إحدى الفنادق الكبرى المطلة على نهر النيل، وقد حضر حفل الزفاف الأهل والأصدقاء، وعدد كبير من نجوم الفن، ومن أبرزهم كريم عبد العزيز، مصطفى شعبان، أحمد عز، أشرف عبد الباقي، أكرم حسني، لبلبة، هشام ماجد، شيكو، محمود عبد المغني، إسلام جمال، علاء مرسي، خالد عليش، عمرو الليثي، محمد علي رزق، كريم عفيفي، المخرج بيتر ميمي، مدير التصوير جلال الزكي، والمنتج محمد حفظي، رئيس مهرجان القاهرة السينمائي، والمخرج أحمد خالد موسى، حسنى شتا، السيناريست محمد سيد بشير، وائل العوني، عماد زيادة، وغيرهم من المنتجين والفنانين والمخرجين.

موضوعات متعلقة:

هنا الزاهد تثير الجدل حول طلاقها وأحمد فهمي يرد

عملية جراحية لشقيقة هنا الزاهد الأزمات لم تنتهي بعد منذ الزفاف

الصور الأولى لشقيقات هنا الزاهد من داخل عش الزوجية

هنا الزاهد تودع زوج والدتها طلعت زكريا بكلمات مؤثرة عمري ما حسيت انك مش أبويا اللي مخلفني