أول ظهور لنجلي وشقيقة الإعلامية دعاء فاروق.. هل هناك شبه؟
بواسطه روضة إبراهيم الاحد , 15 ديسمبر 2019 ,2:26 م
.png)
نشرت الإعلامية دعاء فاروق، مجموعة صور تجمعها بالفنانة الكبيرة إسعاد يونس، وظهرت في هذه الصور نجلها ونجلتها لأول مرة، كما ظهرت شقيقتها في صورة مع صاحبة السعادة، وذلك في حفل وشوشة الأفضل لعام 2019.
وكتبت الإعلامية دعاء فاروق، على مجموعة الصور التي نشرتها وهي بصحبة الفنانة الكبيرة إسعاد يونس، وشقيقتها وأبنائها، والتي نشرتها عبر حسابها الشخصي على موقع الصور "إنستجرام"، قائلة: "طيب الست القمر دي قصتي معاها قصة.. انا قبل ماتحجب كنت قاصة شعري زيها كده اسود كارية وعيني سودا وواسعة زيها كده وعمري ما كنت رفيعة كنت موظوظة زيها كده.. ويقال إن دمي خفيف بس اكيد مش في خفة دمها بس هي التوليفة كانت كده".
أكملت حديثها عن النجمة إسعاد يونس: "أول ما اشتغلت مذيعة بقت الناس تقوللي انتي فيكي كتير من إسعاد يونس... وشوية من اصحابي كانوا شايفيني شبهها جدا وبقوا يدلعوني يقولولي يا زغلول.. رحت سلمت عليها و الحقيقة رحبت بيا بشكل اسعدني وهو مش غريب عليها طبعا انها تسعدني لانها واخدة السعادة حصري".
وتابعت دعاء فاروق: "الحاجة اللي زودت سعادتي سعادة انها متابعة فيديوهاتي اول ما شافت محمد ابني قالت له تعالى انت مطلع عين امك وانا بتفرج عليها بتقول فيك بلاوي.. اتعدل احسن لك مع امك عشان هجيلك... واتصورت معاه وهي ماسكة ايده وبتقوله هعرف لو تعبتها والله لاوريك.. طبعا محمد ابني علي طول بيتخانق معايا اني بشرد له في التلفزيون بس انا كماما مش بقدر اصر في قلبي واسكت ودايما بقوله اتعدل وانا مشردلكش... امبارح قاللي اول مرة اتبسط انك بتشرديلي كده عشان خليتي صاحبة السعادة تعرفني".
وأضافت: "طبعا بنتي واختي لما عرفوا جم جري عشان يتصوروا معاها وكنا بنكلم قرايبنا في طنطا ييجوا يتصوروا هم كمان، لغاية اما الناس اتلمت عليها وبدأ البودي جاردات يبعدوا الناس عنها عشان متضايقش ولقيتها بتحميني بإديها وبتقولهم لا دعاء ميتقالهاش تمشي وظهرت في الصورة وهي بتمد ايديها تبعدهم عني".
واختتمت دعاء فاروق حديثها لصاحبة السعادة: "انا بحبك يا صاحبة السعادة ربنا يخليكي لينا وتفضلي مصدر سعادة لكل الناس دايمًا".
والجدير بالذكر، أن النجمة الكبيرة إسعاد يونس قد حصلت على جائزة أفضل إعلامية في عام 2019، عن برنامجها صاحبة السعادة، وذلك في حفل موقع وجريدة وشوشة الذي أقيم يوم الجمعة الماضية، بمركز المنارة للمؤتمرات الدولية بالتجمع الخامس.
موضوعات متعلقة:
دعاء فاروق تعاني من التعليقات الجنسية على انستجرام وتوجه لهم رسالة شديدة اللهجة
أول ظهور لشقيقة هالة سرحان التوأم بالحجاب ما مدى الشبه بينهما؟
