اعرفي الزي التقليدي لكل دولة

اعرفي مع لهلوبة الزي التقليدي لكل دولة، كل دولة ليها ثقافتها وليها اللي بيميزها في كل الجوانب من الأكل واللغة والملابس، وتحديدا الملابس لأنها بتظهر في الاحتفالات الرسمية وبتمز شعب كل دولة عن غيرها، علشان كدة حبينا نعرفك على الملابس التقليدية لكل دولة واللي في منهم لسة بيستخدموا كملابس رسمية.

الهند:

اللبس التقليدي للهند هو الساري، وبتختلف لفة الساري من منطقة للتانية في الهند، لكن بيفضل هو الزي الرسمي والتقليدي لسيدات الهند حتى لو استخدموا لبس تاني معاه زي الأناركلي او السلوار.

الصين:

بتلبس الصينيات زي اسمه "كيباو" أو في مناطق تانية بيقولوا عليه تيونجسام وبيبقى من قطعة واحدة زي الفستان ولسة بيستخدم في الاحتفالات الرسمية، والكيباو بيبقى على قد الجسم من فوق ونازل بوسع من تحت.

اليابان:

الكيمونو هو الزي الرسمي لليابانيات وبيبقى شبه الروب على قد الجسم بالظبط، والكيمونو لسة مستخدم في الاحتفالات والاعياد الرسمية وبالنسبة لليابانين الكيمونو رمز الالتزام والرسمية والأدب.

كوريا:

الكوريات لبسهم واسع جدا وفضفاض بيسموه "هانبوك" وبيتكون من 3 قطع بلوزة وجيبة وجاكت والهانبوك بتعمل من ألوان كتير مبهجة ومختلفة.

روسيا:

اللبس الروسي رقيق ويشبه لبس الريف وطبعا بما إن روسيا واسعة وبتضم أعراق كتير جدا فأزيائهم مختلفة ومتنوعة لكن أشهرهم هو الفستان البيلاروسي اللي بيتلبس في الاحتفالات.

تايلاند:

الزي التايلاندي اسمه "تاي" وبيلبسوه ستات ورجالة من كل الاعمار في المناسبات رغم إنه مطرز ومنقوش ويميل للطابع الحريمي أكتر.

ايطاليا:

اللبس التقليدي الإيطالي بيستخدموه حاليا في المناسبات والاحتفالات بس وبيتميز بإن ألوانه كتير ومطرز بالورد.

اسبانيا:

الفستان الاسباني مشهور علشان كانت بتلبسه راقصات الفلامينكو وهو واحد من الازياء التقليدية المشهورة اللي بيتلبس فس المناسبات.

بولندا:

الزي التقليدي الاوروبي كله بيتميز بألوانه الزاهية المبهجة والورد اللي بيتطرز بيه علشان كدة الزي التقليدي لبولندا بيتميز بالبهجة والرقة.

المكسيك:

الزي المكسيكي جميل جدا بيتميز بإنه فضفاض لكن مش واسع أوي وبيتطرز بالورود أو حتى ممكن يبقى سادة ويكتفي بتفصيلته الرقيقة.

أفريقيا:

الدول الأفريقية ليها ازياء مختلفة لكن اللي بيميز الدول الافريقية إن لبسهم التقليدي ألوانه فاقعة وكتيرة لكن في نفس الوقت مش مزعجة بالعكس شكلها مبهج.

تركيا:

اللبس التركي محتشم وبيتكون من قطع كتير منها الطربوش على الراس ونازل منه طرحة شكها فيه أنوثة وانسيابية.

افغانستان:

اللبس الأفغاني بيتميز بتطريزه والاكسسوارات الفضة الكتير اللي بتلبسها لاسيدات هناك.