فريدة سيف النصر تصاب بورم في الوجه وتكشف عن صورتها: دي رابع مرة يحصل لي حاجة غريبة في وشي
بواسطه روضة إبراهيم الاحد , 1 مارس 2020 ,2:18 م
.png)
كشفت الفنانة الكبيرة فريدة سيف النصر عن إصابتها بورم في الوجه، مشيرة إلى معاناتها مع المرض وشعورها بالألم الشديد.
حيث نشرت الفنانة القديرة، عبر حسابها الشخصي على موقع التواصل الاجتماعي "فيس بوك"، قائلة: "ممكن تدعوا لي من قلبكم، بجد أول مرة ابكي زي الأطفال، أنا أصلا بتحمل لكن مش قادرة، ده مش ماكياج ده وشي بدون سابق انذار صحيت بصوت في نصف الليل، ودي رابع مرة يحصل لي حاجة غريبة في وشي وأكون باشتغل، يعني مش وقته".
وأضافت: "استغفر الله، أحسن من غيرنا، سامحني والنبي اللهم لا اعتراض، عاملة زي الكرة عيوني مقفولة وفمي مدلدل حتي حواجبي وارمة، يخرب بيت كده أنا اديتكم نص الوش علشان حقيقي مش أنا".
وتابعت: "رعب والله تغيير سريع سبحان الله والحمد لله مش هزار تحت اسنان سليمة 4 خراريج ازاي مش عارفين عملنا بانوراما كاملة والدكتور مستني الالتهاب يروح".
واستكملت حديثها قائلة: "باخد حقن الفنتيرن قوية وأوجمنتين، الالم الحمد لله مايتحملوش الا حد مستسلم لإرادة ربنا ويشكره، المشكلة الشغل ومفيش وقت، لا حول ولا قوة إلا بالله، لازم يصوروا من غيري وأنا وافقت هعمل ايه ؟؟ قدر الله وماشاء فعل".
واختتمت قائلة: "حبيبي يا ربنا كل اللي تجيبه راضية والحمد لله هو مابيجيبش حاجة وحشة ابدًا، قضاء أخف من قضاء، لو هافدي الغاليين كلهم انا جاهزة، ادعوا لي، أسفة على الصورة بس انتم حبايبي، الآذان، سلام بقى".
موضوعات متعلقة:
فريدة سيف النصر تهاجم هذا الشخص ربنا ياخدك
فريدة سيف النصر تسخر من صحفي على الهواء مباشرًة لهذا السبب!
فريدة سيف النصر تهاجم مروجي شائعات إصباتها بالسرطان وتظهر لأول مرة بعد إصابتها شاهد ماذا قالت
