ريهام حجاج تكشف عن حملها وتدخل في "خناقة" مع متابعيها بسبب ياسمين عبد العزيز.. ماذا قالت؟

يبدو أن الفنانة ريهام حجاج قد استاءت من تعليقات متابعيها، الذين يتعمدون إقحام اسم النجمة ياسمين عبد العزيز، الزوجة السابقة لزوجها رجل الأعمال محمد حلاوة، في تعليقاتهم على كل الصور التي تقوم بنشرها مع زوجها، أو حتى في صورها الخاصة.

فبعد نشرها لصورة تجمعها بزوجها محمد حلاوة من منزلهما لمواجهة فيروس كورونا، قام عدد كبير من الجمهور بالتعليق على الصورة موضحين أنها تقصد استفزاز ياسمين عبد العزيز.

شاهد أيضًا: ريهام حجاج تثير الجدل بتصديها لكورونا مع زوجها محمد حلاوة بهذه الطريقة

لترد ريهام حجاج لأول مرة على كل هذه الاتهامات والانتقادات الموجهة لها، وتكشف عن حملها، قائلة: "أنا شايفة انكم بقالكوا كتير أوي بتحكوا في المحكي؟!، ما زهقتوش؟!، كلكم على بعض ۱۷۰ كومنت تلت ترباعكم لجان إلكترونية، وفي الربع التاني حافظ وبيردد كلام، أنا بقالي سنتين متجوزة وقربت أخلف وانتم مع كل صورة بنزلها مع جوزي نفس الأشخاص بنفس التعليقات، عمومًا أنا متصورة مع جوزي مش عشيقي (حرة ومابعملش حاجة غلط ومش عشان أي سبب غير إني حابة الصورة وحابة أشاركها مع كل الناس السوية مش المريضة، اللي بيحبوني وبيبعتولي تعليقات جميلة ولطيفة) على الانستجرام بتاعي أنزل عليه اللي أنا عايزاه بتتكلموا في موضوع يضحك أساسًا".

وأضافت ريهام: "عمالين بتهروا في موضوع صاحبة الشأن نفسها طلعت في برنامج واتكلمت عن طلاقها اللي كان من سنة قبل جوازي، بتخترعوا قصص وهمية ومصدقينها زي مثلًا اننا كنا أعز اصحاب وكلام غريب وأنتم ماتعرفوناش أصلا، الجواز والطلاق دا نصيب وحلال مش حاتحرموا حلال ربنا يعني، ولا هو التدين بيطلع وقت ما نحب!!".

لترد إحدى المتابعات متسائلة عن جنس المولود لترد ريهام: "لسة معرفش".

وأوضحت ريهام حجاج أنها قصدت بكلامها مع زوجها المكوث في المنزل، ولم تقصد استفزاز ياسمين عبد العزيز، قائلة: "موجهة الكلام للست اللي في الحظر، بقول للستات كنبتك تليفزيونك جوزك واقعدي في البيت، رسالة إيه اللي لياسمين، أخرجي من الدايرة دي أساساً، يا ريت مش كل حاجة نقراها على إنها موجهة لأن بالمنظر ده كل حاجة ممكن تتفهم غلط".

بينما علقت متابعة أخرى قائلة: "فعلًا عادي إنك تاخدي جوز صاحبتك مفيهاش أي حاجة، ربنا يسعدكم حبيبتي، ربنا نجدها أصلًا، كنت بقول ياسمين القمر دى متجوزة حلاوة العنتبلي إزاي"، فردت عليها ريهام: "أولًا احترمي نفسك واتكلمي بأدب، ثانياً مين قالك إننا عمرنا اتقابلنا في حياتنا أصلاً عشان تدعي إننا صحاب؟، على أساس كنتي التالتة بتاعتنا؟!، أنت عمرك ما شوفتي حد من الناس اللي العشم قاتلك وأنت بتتكلمي عن خصوصياتهم، ثالثا أنا اتجوزت راجل مطلق مش متجوز".

وبعد ذلك قامت ريهام حجاج بحذف صورتها مع زوجها بالتعليقات المسيئة، وحذف جميع صورها مع زوجها، ما عدا صورتها معه أثناء حضورهما إحدى مباريات كرة القدم.

موضوعات متعلقة:

صورة تثير الشكوك حول حمل ريهام حجاج من جديد

ريهام حجاج تشكر جمهورها على الدعاية السلبية لمسلسلها ماذا قالت؟

هجوم على كريم قاسم بسبب صورة ريهام حجاج والأخيرة تدافع ما الحكاية؟

ريهام حجاج تثير الجدل بتصديها لكورونا مع زوجها محمد حلاوة بهذه الطريقة