طليقة الفنان محمد شومان تثير الجدل بعد تبرؤ ابنته منه: إرهابي كفرنا وكان عايز يجاهد في أفغانستان

أثارت السيدة شيرين هلال، طليقة الفنان محمد شومان الكثير من الجدل في الساعات الماضية، بعدما كانت قد سبقتها ابنتهما، وبإعلانها اليبرؤ منه، مشيرة إل رغبتها في حذف اسمه من بطاقتها الشخصية.

فخلال مداخلة تلفونية عبر برنامج "على مسئوليتي" الذي يقدمه الإعلامي أحمد موسى، تحدثت طليقة الفنان الهارب محمد شومان، موضحة أن جميع أفراد أسرته يرفضون تصرفاته المتشددة وسوف تقيم دعوى للتبرؤ منه.

وقد أوضحت طليقة الفنان "شومان" أنها انفصلت عنه بعد زواج قصير دام عام ونصف فقط، لأنه سلفي متشدد، وكان يريد الذهاب إلى الجهاد في أفغانستان، قائلة: "أنا اتطلقت منه من 30 سنة لأنه كان بدأ يتعرف على ناس وعايز يروح يجاهد في أفغانستان، كان مبدع بصراحة، بعد سنة ونص جواز منه أسفرت عن ابني اللي أنا ربيته بفلوس حلال مش بفلوس حرام زي اللي بيكسبها محمد شومان".

وقالت طليقة "شومان": "يا شومان هنشوف فيك أيام يا فاشل يا شومان، بكرة تركيا تطردك ومتلقيش بلد تقبلك، وابني مالوش علاقة بالإرهابي الهارب، وهو بخير في إيد أمينة وهيرجع بيته بعد ما يتأكدوا أنه مالوش علاقة بالفاشل شومان، وهنعيش على أرض مصر بكرامة لأن أحنا مصريين حتى النخاع، وهو مالوش أنه يتشرط أوي على السيادة في مصر ويقول إفرجوا عن ابني إفراج غير مشروط".

وتابعت: "ابني بيكره أبوه ومرضاش يكلمه وهو عيان، وبيقول بكره أبويا وربنا كرمني أنه غار من مصر، وأنا تعبت جدًا من أجل تربية ابني بعيدًا عن افكاره المتطرفة، ومحمد شومان يبيع كل شيء من أجل الفلوس".

وأضافت: "البدل الشيك اللي بيلبسها دي من خير مصر، بكرا تركيا ترميه ومش هيلاقي بلد تستقبله".

وأوضحت طليقة محمد شومان أنها كانت معه في نفس الكلية وتعرفا خلالها، وكان يكبرها بأربع سنوات، وتم الزواج بينهما، وأكدت أن والدها كان يرفض هذه الزيجة، قائلة: "سبق أن حذرني والدي منه وأدفع الثمن غالي دلوقتي بعد كل العمر ده"، وأضافت أنه كان يراها كافرة، واستنكر دخول ابنه لمدرسة فرنسية.

وكانت ابنة الفنان محمد شومان قد نشرت مقطع فيديو عبر حسابها على "فيس بوك"، تبرأت خلاله من والدها بسبب أفعاله، قائلة: "أنا لوجين شومان، بنت محمد شومان اللي أصدر بيان على صفحته بيناشد السلطات أنها تنقذ أسرته اللي بتموت بالبطيء، أسرته اللي هي أنا وأختي وأخويا وإنهم يفرجوا عن أخويا من غير أي شروط، مبدئيا إحنا مش أسرتك عشان أنت مجرد اسم في البطاقة، إحنا ملناش أي صلة بيك وقطعنا كل علاقتنا بيك من 5 سنين، وابنك أنت متحملتش مسؤوليته من وهو عنده سنة ونص".

وأضافت: "إنت مش رب أسرتنا، رب أسرتنا هي أمي أنت مش مسؤول عننا، إنك تتكلم بلسانا ده مش من حقك، هما بيحققوا معاه عشان يعرفوا أنه مالوش صلة بيك وهما عارفين ده وهيطلع بس مالكش دعوة أنت، لو عايز تعمل أب انزل وواجه لكن مش قاعد في بلد تانية وبتتكلم، وحاولنا كتير نشيل اسمه من البطاقة بس معرفناش وبوجه رسالة للسلطات يعرفونا إزاي نتبرأ خالص منه يعرفونا إزاي .. وجودك في حياتنا هو الأذى".