شقيق ياسمين عبد العزيز يهاجم أحمد العوضي بعد إعلان زواجه من شقيقته

من جديد، شن الفنان وائل عبد العزيز، هجومًا حادًا على الفنان أحمد العوضي، بعد إعلان زواجه من شقيقته الفنانة ياسمين عبد العزيز، حيث كتب على حسابه الشخصي بموقع "فيسبوك" انتقادات لأداء العوضي في مسلسل "الاختيار" الذي يعرض حاليا على شاشة قناة ON E.

وجاء في تدوينة وائل عبد العزيز: "بص هقولك طريق أسهل بكتير من اللي ‏أنت واخده عشان تشتهر وتمثل وربنا ينفخ في صورتك، ويمكن تنجح لأن التمثيل مش حواجب وعين مبرقة ونبرة صوت واحدة في ‏كل الأدوار".‏

وأضاف: "خد ورشة تمثيل واقرا كتاب لغة الجسد وشوية في علم النفس وده الطريق الوحيد إنك تتعلم حاجةk بدل ما أنت قارف ‏ولاد الناس وبتركب على رقبتهم عشان توصل، صدقني دي نصيحة عشان صعبان عليا من تعليقات الناس ... فكر واعمل اللي بقولك ‏عليه"‏.

يذكر أن هذه المرة ليست الأولى التي يهاجم فيها وائل عبدالعزيز الفنان أحمد العوضي، حيث قال فيما سبق: "بص يا بني أنا لما فاض بيا أخر مرة بعتلك رديت علّيا وشتمت فيا وفي عيلتي، الغلط مش عليك الغلط على اللي سابتك تغلط في أهلها كلهم، وإللي يسمح لحد يغلط في أهله يسمح بأي حاجة تاني تحصلهم".

وتابع: "أنا عايز أعرف دلوقتي إنتوا إزاي عايشين مع بعض في البيت والشغل بدون صفة، ولو في صفة محدش صرح بيها ليه!!، أنا بردو اللي بعمل فضايح وهي دي الأصول!! ماتعلنوا جوازكم".

واختتم وائل حديثه: "طيب قسمًا بالله أنا مش هسيب حقي وسمعتي وسمعة أهلي إلا لما الأمور تتحط في نصابها الصحيح.. واللي هيغلط فيا زي الناس اللي فاتت من الزملاء المطبلتية أنا هاخد حقي بالقانون، وأخيرًا للناس المحترمة لو ليك أخت حط نفسك مكاني ؟!".

موضوعات متعلقة:

شقيق ياسمين عبد العزيز يحرج بوسي شلبي بفيديو لها يحدث ضجة بمواقع التواصل الاجتماعي ماذا جاء به؟

شقيق ياسمين عبد العزيز يثير الجدل مرة أخرى بصوره مع الفنان احمد العوضي وتعليقه الغريب عليها!

حقيقة الصلح بين الفنانة ياسمين عبد العزيز وشقيقها مفاجأة!

شقيق ياسمين عبد العزيز في أول لقاء بينهما بعد الخلاف بسبب زواجها من العوضي