شاهد الظهور الأول لتامر حسني وبسمة بوسيل بعد الصلح

بعد أزمة انفصال تامر حسني وزوجته بسمة بوسيل، وعقب عودة المياه إل مجاريها فيما بينهما برسائل الحب والعتاب أمام الجمهور، ظهر نجم الغناء مع زوجته لأول مرة، وهو ما جعل الجميع يشعر أن الصلح قد تحقق بالفعل.

فقد أحيا المطرب تامر حسني حفلًا غنائيًا ضخمًا، شهد حضور عدد كبير من النجوم ومنهم محمد شرنوبي، وحلا وهنا شيحا، ومحمد مكاوي، وغيرهم، وظهرت بسمة بوسيل، زوجة تامر حسني، لأول مرة معه في الحفل بعد الأزمة الكبيرة بينهما.

وكانت بسمة قد أعلنت منذ أيام عن انفصالها عن تامر حسني واقترابهما من الطلاق الرسمي، قبل أن تحذف المنشور، الذي دونته عبر حسابها الشخصي على "إنستجرام"، حيث قالت: "لكل الناس اللي بتبعتلي صور وفيديوهات لتامر وشايفة إنه مش بيعمل احترام سواء في صور أو فيديوهات ياريت تبطلوا تبعتولي حاجة عشان مش فارقلي أي صور.. وكمان أحب أعرفكم إن إحنا بقالنا فترة منفصلين وبنحضر أوراق الطلاق، لو سمحتوا احترموا مشاعر كل حد فينا وبطلوا على الأقل تبعتولي أنا أي حاجة.. بالتوفيق للجميع".

ولكن بسبب تدخل العديد من الأصدقاء بين الثنائي هدأت الأوضاع وفضت الخلافات، ونشر تامر حسني رسالة صلح وعتاب لزوجته، قائلًا: "بسمة حبيبتي للأسف انتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي انك عرفتيني وانا مشهور ودي طبيعة شغلي اللي عرفتيني وحبيتيني بيها".

وأضاف: "إزاي وصلوكي للزعل والبًعد فترة، المهم أنا مش هزعل منك ولا يرضيني زعلك انتي حبيبتي وأم ولادي، أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كثير".

تامر أكمل: "ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتلفون أو في زيارة رحيمة ما بينهم ويا ريتها مشكلة أصلا".

وواصل تامر: "ربنا جعل ما بينا مودة ورحمة عشان كدا للأسف انتي عارفة ان في ناس في طبيعتهم حب خراب البيوت ومش هنخلص منهم، بس انتي اللي هتخلصي من فكرة انك تسمعيهم مع انك مكنتيش كده".

وتابع: "يا ريتك تركزي مع طاقة الناس اللي دعولنا ودعوا لأولادنا كل خير. وفعلا أنا بشكر كل الناس والفنانين اللي سعوا في الخير لينا وانا واثق انك دلوقتي زعلانة انك كتبتي كده، هو تصرف متهور منك بس ولا يهمك مش عيب أن الانسان يغلط ويتعلم وانا ياما علمتك ولسة هعلمك".

واختتم كلامه: "كان نفسي الكلام ده يكون بينا لكن انتي اشركتي الجمهور الكريم فكان لازم أرد هنا، بينا حب غالي وحياة كريمة واولادنا وبيتنا أغلى ما فيها ربنا يخلينا ليهم ويخليهم لينا يا رب، متهورة بس بحبك".

لتقوم زوجته بسمة بوسيل بالرد قائلة: "فعلا اتهورت بس عشان بحبك".

موضوعات متعلقة:

تامر حسني يحقق هذا الأمر لفتاة كفيفة ما الحكاية؟

تامر حسني وبسمة بوسيل في تعاون مشترك لأول مرة ماذا يقدمان للجمهور؟

تامر حسني يكشف هذه الأغنية تمنيت غنائها وكانت عينى فيها!

تامر حسني يحدث ضجة بمواقع التواصبل الاجتماعي بعد تقبيله لمعجبة ترتدي الحجاب!