حمو بيكا يهاجم عمر كمال بشدة والأخير يكشف أسرار خاصة لأول مرة.. ما الحكاية؟
بواسطه روضة إبراهيم الأربعاء , 16 ديسمبر 2020 ,11:04 ص
.png)
تفاجأ الجمهور أمس بهجوم مطرب المهرجانات حمو بيكا، على زميله عمر كمال، لدرجة أنه نشر صورة للأخير مشطوب عليها، ليظهر درجة الخلاف الكبيرة بين الطرفين.
ونشر حمو بيكا صورة عمر كمال المشطوبة، عبر حسابه الشخصي على موقع "فيس بوك"، وعلق عليها قائلًا: "يا ريت محدش يكلمني في شغل على الشخصية دي، عشان أنا كنت بحبها والشخصية دي بتتهرب من شغلي اللي خلاني اتفق عليه والاثبات بعد الصورة دي هنزل فيديو".
وأضاف: "هو عامل بيحبني وهو بيكرهني. مع السلامة يا صحاب مزيفة".
وبعد هذا الهجوم القوي من حمو بيكا على عمر كمال، خرج الأخير ليوضح ويكشف الكثير من الأسرار أمام الجمهور، وذلك من خلال بث مباشر على حسابه على موقع "فيس بوك" قائلًا: "أنا تحملت كثير جداً إهانات بعض الناس، لكن أنا ممكن أطلع أقولك يا أبو كرش لكن كل دي إهانات أنا ماليش فيها".
وتابع: "أنا أول أغنية أتربح من خلالها كانت من خلال أغنية انتي معلمة وكل الأغاني اللي قبل كده كنت بديها لحمو بيكا عشان يرفعها من خلال قناته ويكسب منها بما فيها أغاني كانت من إنتاجي أنا. والله مكنتش باخد فلوسهم لأني بكسب من زمان وسيبتك تاكل عيش".
وأضاف عمر: "الشخص اللي بيتكلم عليا ده أول ما بينزل من إسكندرية بيجي على شقتي وواكلين عيش وملح مع بعض. اللي حصل إن وأنا قاعد عند الحلاق بتاعي ومعايا حمو فوجئت إنه جايب شخص بتاع فساتين وعايزنا نعمله إعلان من غير ما ياخد إذني. وأنا اتحرجت أرفض قدام الراجل، بس أنا مش عايز اعمل مهرجان لفستان فرح، أنا عايز اعمل فن كويس زي بنت الجيران وعود البطل وكل مهرجاناتي. وحتى بعد الاتفاق مدفعش ليا عربون ولا سألني تاخد كام على عكس ما بعمل معاه في أي فرح حد بيطلبه فيه. عيب تقول عليا إني صحبة مزيفة، أنا عمري ما كسبت من وراك، أنا سيبتلك 12 تراك كلت من وراهم الشهد. حتى العربية بتاعتك أنا اتصدرت أنا ومدير أعمالي عند المعرض عشان يقسطهالك وضمنتك في مليون و800 ألف جنيه، ولو كنت لوحدك مكنش حد هيديك عربية".
موضوعات متعلقة:
عمر كمال يفعل ذلك التصرف ليكون سببا في دخوله الجنة ما الحكاية؟
حمو بيكا يطلب هذا الطلب من الأطباء والمهندسين ما الحكاية؟
