زوجة شقيق طارق العريان تحرج طليقته الأولى وتكشف المستور وتدافع عن أصالة

بعد انتشار صورة المخرج طارق العريان مع حبيبته الجديدة عارضة الأزياء نيكول سعفان، وتعليق أصالة عليها بأنها أقسى صورة مرت عليها منذ انفصالها، شنت طليقة طارق العريان الأولى هجومًا حادًا على المطربة السورية، ودافعت عن طارق، ورفضت فكرة التشهير به، ولكن المفاجأة جاءت من تعليق زوجة شقيق طارق العريان على الأمر، والهجوم على هالة العتال طليقة العريان الأولى.

حيث علقت غادة العريان زوجة شقيق طارق، على تعليقي أصالة والعتال، قائلة: "أنت يا هالة بتتكلمي على ابنك، طب خلي عندك دم، أنتِ اللي طول عمرك رمياه وضيعتيه وجايه تتهمي اللي كانت مراة أبوه، والتحريض اللي دايما كنتي بتحرضيه عليها واللي كنتي بتعمليه، نسيتي، إن كنتي ناسية أفكرك، أصاله أول ما تجوزت طارق حاولت تصاحبك عشان خاطر عمر وأنت عملتي إيه، واحدة زيك بوظت نفسية ابنها وجاية دلوقتي تتكلمي".

وتابعت: "انا مراة أخو طارق غادة، فكراني، وياما شوفنا منك ومن اللي بتعمليه، أصالة أشرف وأحسن ست طارق اتجوزها لكن هو مالوش في الطيب نصيب، كان لازم يفضل معاكي عشان أنت زيه مش واحدة زي اصالة، لمي نفسك يا هالة واوعي تنسي نفسك وتحاولي تشهري نفسك على حساب أشرف وأطيب وأحن قلب في الدنيا أصالة".

وأضافت: "هي كانت حرام في عيلة العريان، لو خايفة وزعلانة على ابنك جربي كده هو هيرضى ييجي يعيش معاكي؟".

وكانت هالة طليقة طارق العريان الأولى قد علقت على اتهام أصالة بخيانة طارق، قائلة: "دي أول مرة ممكن أرد فيها، الصورة قاسية عليكِ، طيب أنا لما كنت بشوف ألف صورة، وابني مش موجود فيها، يا ترى احساسي كان ايه؟، كان أكتر من قاسي كان مقهور، طيب لما كنتي بتكتبي العيلة وابني مش موجود فيها، إحساسه هو كان إيه؟ أولادك عندهم أب أيمن الذهبي حي يرزق، لكن ابني كان عنده أب واحد بس، وللأسف مش حقدر أقول تفاصيل".

وتابعت: "طيب لما كنا بنحاول نتكلم كان ردك ايه، يا ترى قاسي، ولا حنون زي ما أنت دلوقتي، الجواز والحب والعشرة في تفاصيل محدش يقدر يعرفها، طيب مفكرتيش في يوم من الأيام إن ممكن الأب يشتري ابنه اللي من دمه، ويرفض الظلم، طيب مفكرتيش إن في نفسية ولد ممكن تتدمر، طيب دلوقت أولادك زعلانين من الكسرة، طيب يتكلموا معاه ليه لحد دلوقتي، أرجوكي كفاية في أولاد وأنا من حقي أدافع عن ابني اللي نفسيته بقت مش حلوة، من كتر الحرب على أبوه، كفاية بعد الانفصال اللي كنت بتمني الاستمرار ليكم وربنا يشهد عليا، بس ده نصيب، الأهم دلوقتي الأولاد".

وأضافت هالة: "كفاية تشهير في طارق، هو مش خاين وأنت عارفة ده كويس جدًا، والأهم من الراجل دلوقتي الأولاد بس، بلاش نشوه الصورة، وهو حر وأنت عشتي معه 13 سنة وأنا عشت 10 سنين ومعملتش أي حاجة من دي عمري، لإن الأهم كان ابني مش أنا، ارجوكي كفاية من فضلك، لإن طارق أحسن أب في الدنيا مع أولاده وأنت عارفة ده كويس".

وكانت أصالة قد علقت على الصورة المنتشرة لطارق وحبيبته الجديدة نيكول قائلة: "هي أقسى صورة أنا مرقت عليّ من بداية قصتي لليوم، ومن وقت شفتها من حوالي تلاتين ساعة وأنا قاعدة بس عم حاول صدق، في شخص بالصورة كان بمقام وغلاوة روح ونفْس والست العزيزة اللي بتشكر على أحلى ليلة سهرتها يا ترى فعلاً؟ ولا بس تشجيع للظلم والجحود والنكران؟، الحقيقة كلكم بتعرفوها من غير ما إحكيها".

وأضافت أصالة: "الصورة مو عادية ومو قادرة أتجاوزها لأنه تفاصيلها بشعة، جارحة، بتقتل فيني حتى نقطة الأمان اللي عم حاول حافظ عليها على قد ما أقدر ولوالد ولادي (آدم وعلي) غير إنه اللي بتعمله مو إنساني، هو عيب".

وتابعت: "سامحوني على تصرفي اللي مو المفروض يكون، بس ذهولي من قدرتهم خلتني أتجاوز كل أنواع الحرص ولغت تفكيري".

وكانت أصالة قد أعلنت خبر انفصالها عن المخرج طارق العريان في شهر يناير الماضي، بعد قصة حب وزواج طويلة، وذلك بعد العديد من الأخبار التي أشارت إلى خيانته لها، ومنذ فترة قصيرة تصدرت أخبار ارتباط طارق العريان من فتاة سورية أرمينية تدعى نيكول سعفان.

موضوعات متعلقة:

شاهد بالفيديو نجل طارق العريان يتشاجر مع عشرة شبان والسبب ممثلة مصرية ما الحكاية؟

نيكول سعفان حبيبة طارق العريان ترد على زواج أصالة بهذه الطريقة!

حبيبة طارق العريان تتعرض لهجوم عنيف بسبب هذا التصرف!

صورة نادرة لابنة أصالة في الطفولة هل تغيرت كثيرًا عن الوقت الحالي؟