بدرية طلبة تكشف تفاصيل تعرض لأول مرة عن شريف دسوقي قبل بتر قدمه

كشفت الفنانة الكبيرة بدرية طلبة عن تفاصيل جديدة تعرض لأول مرة عن حالة الفنان شريف دسوقي، قبل ساعات من بتر قدمه، وذلك خلال استضافتها في برنامج "الستات ما يعرفوش يكدبوا"، المذاع عبر شاشة قناة "cbc".

وقد أكدت بدرية أنها كانت ترافق شريف دسوقي لحظة بلحظة قبل بتر قدمه بفترة طويلة، وأوضحت تفاصيل يوم العملية، قائلة: "أخدته على المستشفى، وكان صعب جدًا في التعامل مع الأطباء، وعشان نعمله إشاعة أو تحليل كان حدث، وكان عندي أمل إنه مايتمش البتر، ولكن الدكتور قال أنا هقرر جوا في العمليات، وتم قرار البتر لتدهور حالته".

وكشفت بدرية عن مفاجأة، حول إصابة شريف دسوقي بكورونا قبل خضوعه لعملية بتر القدم، قائلة: "وهو داخل يعمل العملية، اكتشف الدكتور إن عنده فيروس كورونا وكنت أنا مخالطة له بس كنت سيباها على الله، إذا كان قبله كنت مخالطة أحفادي وأولادي المصابين بكورونا وربنا نجاني".

وتابعت: "قرار الرئيس عبد الفتاح السيسي تجاهه رفع من معنوياتنا كلنا، وكون إن الرئيس يهتم بيه رفع من معنوياته، والدنيا اتقلبت عشان شريف وده عدل نفسيته شوية، ولما روحتله قبل كده لقيته مش متزن نفسيًا، واتفقت مع زميل ليا صديقنا إننا نسيطر على حالته ونساعده، لأني عارفة اللي حصل مع شريف ده كويس، ومريت بنفس الظروف مع بابا، لأنه برده اتبترت رجله واللي أجرى عملية شريف هو نفس الدكتور اللي بتر رجل بابا".

وأضافت طلبة: "هو اللي عمل كده في نفسه عشان كان خايف، وغصب عنه، هو كان تعبان نفسيًا بسبب ظروف حصلتله زمان، وكان يواظب على علاج مُعين، ولما ربنا كرمه واشتغل بطّل يأخد العلاج، وحالته تدهورت، خصوصًا أنه داخل على نجومية، وأقام في الإسكندرية ومحدش عرف يسيطر عليه، وأنا روحت أخدته بالمسايسة وهو عِشرة عمري".

وكانت الفنانة بدرية طلبة قد كشفت عن عملية بتر ساق الفنان شريف دسوقي، من خلال منشور لها عبر حسابها الشخصي على "فيس بوك"، قالت فيه: "عن تجربة عيشتها مع بابا الله يرحمه صعب قوي بني أدم يفوء من البنج يلاقي جزء من جسمه مبتور وخصوصا رجليه ربنا يصبرك ياشريف ويقوي قلبك ويتم شفاك علي خير".

وبعدها خرجت لتطمئن جمهور شريف دسوقي، بمنشور آخر، قالت فيه: "للناس اللى بتتصل وبتبعت رسايل علشان تطمن علي الفنان شريف دسوقى (سبعبع) كان فيه جرح فى رجله الشمال وهو مريض سكر حالته ساءت جدا وبعد الفحوصات والاشعه والتحاليل قرر الدكتور بتر الرجل من تحت الركبة وهو خرج من أوضة العمليات وحالته مستقرة الحمدلله أدعوله ربنا يتم شفاه علي خير".

موضوعات متعلقة:

التعليق الأول من بدرية طلبة على خلافها مع شقيقها بعد ادعاء وفاته!

شريف دسوقي يكشف عن موعد اعتزاله الفن نهائيًا بدون رجعة!

شريف دسوقي يكشف عن مفاجأة مكالمة عمرو دياب له ماذا قال؟

كاملة أبو ذكري تتحدث عن الحسد في حياة شريف دسوقي الذي تسبب في بتر قدمه ما الحكاية؟