"ازاي تنكدوا على بعض".. اعترفات البنات والشباب بمفاتيح النكد

بواسطه إسراء صادق السبت , 25 نوفمبر 2017 ,9:41 م

بيقولوا ان الست عندها اسلحة النكد الخاصة بيها، تستخدمها في الوقت المناسب، ويمكن سيرة الستات هي اللي ديما مذكورة مع النكد لكن في الحقيقة الرجالة كمان ليهم طرقهم الخاصة في النكد بس مش مكشوفة، وبما ان الاتنين طلعوا بينكدوا على بعض علشان كده عملوا هاشتاج ازاي تنكدوا على بعض على مواقع التواصل الاجتماعي.

الهاشتاج كالعادة اتقلب كوميدي ومادة ضحك، بدأت البنات تدون أشهر العبارات اللي غالبًا بتبقى بداية الخناقة، وفي نفس الوقت الشباب أخيرًا اعلنوا عن دخلات النكد اللي بيعملوها بس مش بيتكلموا عنها.

من أهم الحاجات اللي بينها الهاشتاج ان "السوشيال ميديا" بقت سبب رئيسي لأسباب النكد حتى لو بسيطة، يعني الـ"لايك" والـ"كومنت" والـ"شير" بقوا سهل جدًا يكونوا سبب لخناقة كبيرة.

من تدوينات الهاشتاج: "لما تقولها هو انتى وزنك زياد النهاردة هو انتى كلتى محشى، خليكوا باردين وردوا علي بعض ببرود ده انتوا مش هتنكوا علي بعض ده انتوا هتولعوا في بعض، اروح ادور يمكن عامل منشن لبنت مثلا واطلع عينه، لما بنركز ف اللايكات اللي بتتعمله".

ورغم ان البنات والشباب قرروا يكشفوا عن الحاجات اللي هم عارفين كويس انها سبب في النكد، إلا ان في الغالب معظم الحاجات دي بتبقى بدافع الاهتمام أو الغيرة اللي بتعتبر أكبر دليل على الحب.

من تدوينات الهاشتاج الاخرى: