شاهد لينا شاكر بشعر طويل بعد تعافيها من السرطان

بعد تعافي الإعلامية لينا شاكر من مرض السرطان، ظهرت أخيرًا بشعر طويل، وذلك أثناء تكريمها مع الإعلامية منى الشاذلي، في احتفالية منتدى المرأة المصرية.

وظهرت المذيعة لينا شاكر، بشعر طويل لأول مرة، بعد تعافيها من مرض السرطان، حيث كان أخر ظهور لها منذ عدة أشهر وكانت حينها حليقة الرأس، أثناء خضوعها للعلاج الكيميائي، ومعناتها من تساقط شعرها.

وخلال التكريم في احتفالية منتدى المرأة المصرية، بدت لينا شاكر بصحة جيدة عن ذي قبل، وكانت سعيدة بتكريمها مع الإعلامية منى الشاذلي.

وكانت لينا شاكر قد خضعت لجلسة تصوير وهي حليقة الرأس، أثناء إصابتها بمرض السرطان، مطلع هذا العام، وتداول رواد مواقع التواصل الاجتماعي صورها التي نشرتها، لدعم كل سيدة بالظهور بهذه الإطلالة وعدم التخفي من شكلها أثناء مرضها.

وكتبت لينا شاكر، عبر حسابها الشخصي على موقع التواصل الاجتماعي "فيس بوك"، معلقة على جلسة التصوير وهي حليقة الرأس، قائلة: "أنا كان بقالي سنين كتيرة ماعملتش فوتوسيشن، وقررت إن ده الشكل اللي هعمل بيه الفوتوسيشن دي.. إنى أكون من غير شعر، عشان ده حالي، وأفكرني وأقول لكل واحد أو واحدة بيمروا بالتجربة دي، أنتم مش لوحدكم".

وأضافت: "ملايين بيتعرضوا لها يوميا، وبجد دي مش آخر الدنيا، صحيح أنا ماقدرتش أنزل أمشي في الشارع كدة، بس أنا قادرة أتصور كده، وأحطها عندي على الـwall، وما أكونش مكسوفة أو متضايقة وأحطها على كل الـgroups اللي أنا فيها عشان نشجع بعض، إننا مانزعلش ولا نتكسف وأن ييجي اليوم اللي نقدر نمشي في الشارع كده، ومانشيلش هم الباروكة ونكون أقوياء وراضيين".

وتابعت: "أنا بكتب الكلام ده، وأنا خلصت خلاص، والحمد لله عدت، واللي جاي أحسن إن شاء الله، أما بقى حكمته، فأنا لسه ماعرفتهاش، بس أكيد هعرفها، وأكيد حياتي حتتغير، وإن شاء الله للأحسن.. الفوتوسيشن دي ماكنتش هقدر أعملها غير بحبايبي اللي ماتأخروش عني، وأنا أكيد بشكركم من كل قلبي أنكم ساعدتوني في اللي أنا عايزة أعمله".