بواسطه سهام مسلم الأربعاء , 7 يونيو 2023 ,3:44 م
قالت إنجي المقدم في تصريح خاص لـ "لهلوبة" إنها تعشق تحضير المكرونة بمختلف النكهات والإضافات مثل المكرونة بالتونة والجمبري والبشاميل والطماطم، وأنها تتقن أنواع مختلفة من الأرز مثل الأرز بالشبت والأرز بالكركم.
وأضافت: "بحب أعمل سفرة رمضان كل يوم لون مختلف، يعني مثلا السفرة انهاردة خضراء فالأطباق كلها تبقى بالخضراوات زي الأرز الأخضر وهكذا".
وتابعت: "جوزي أشطر مني في الطبخ، وبيعمل أكلات كتير حلوة زي البط بالبرتقال، وأنا بحب آكل الكوارع والفشة وكل حاجة المسمط بس في البيت".
المقادير:
مكرونة ـ زيت ـ بصل مفروم ـ فصين ثوم مفرومين ـ فرخة مقطعة 8 قطع ـ جوزة الطيب ـ فلفل أسود ـ قرفة ـ 8 ثمرات طماطم ـ بطاطس مكعبات ـ بقدونس للتزيين.
الطريقة:
ـ نشوح البصل في الزيت ونضيف الثوم مع التقليب.
ـ نضيف الفراخ والتوابل مع التقليب ثم نضرب الطماطم في الخلاط ونصفيها ونضيفها للفراخ ونزود ماء حسب الرغبة.
ـ نضيف البطاطس ونغطي لوعاء ونتركه يغلي حتى استواء البطاطس.
ـ نخرج الفراخ من الخليط ونضيف المكرونة لتستوي مع الخليط ونضيف ماء حسب الحاجة حتى يوجد صوص بعد التسوية.
ـ نغرف المكرونة ونضع الفراخ على الوجه وتُزين بالبقدونس وبالهنا والشفا.
موضوعات متعلقة:
انجي المقدم "دراستي لعلم النفس فادتني كتير في شغلي"
كيف عرفت إنجي المقدم الاطلالات المناسبة لها
انجي المقدم: "علاقتي بجوزي نار على زيت حار"
كيف عرفت إنجي المقدم الاطلالات المناسبة لها
إنجي المقدم في حوار نسائي: "حملي كان متعب وبنتي مش متمردة وبستخدم دايمًا أسلحة الست المصرية الأصيلة"