السبب الحقيقي وراء انفصال الفنانة أمينة خليل عن خطيبها
بواسطه هند جمال الخميس , 28 أكتوبر 2021 ,11:25 ص
.png)
حلت الفنانة أمينة خليل ضيفة على برنامج "كلمة أخيرة" الذي يذاع على قناة ON E وتقدمه الإعلامية لميس الحديدي، وخلال الحلقة وجهت الأخيرة سؤالًا إلى ضيفتها حول موعد زفافها، فردت قائلة: "قدر الله وما شاء فعل، محصلش نصيب".
وأضافت: "لدي يقين إن ربنا شايل لنا حاجة أفضل وأحلى"، كما كشفت عن أسباب فسخ الخطبة قائلة: "فيه بعض الرجالة مش بتحب فكرة الفنانة، ولازم يبقى راجل قوي عشان يتحمل ده، لأن حياة الفنانة مختلفة شوية".
وأوضحت: "أي راجل ممكن يشوف زوجته ممثلة وفنانة ناجحة.. الحب اللي ممكن يشوفه في عيون الناس لما بتسلم على مراته لازم يبقى فخور بيه مش زعلان".
وأكملت: "لازم نبقى أصدقاء جدًا، وده شيء مهم جدًا لازم عشان العلاقة تبقى صحية وقوية وحقيقية أننا نبقى أصحاب قبل الارتباط لأن الصداقة بتكمل، ووهج الحب ممكن يقل لكن الصداقة مستمرة".
وحينما سؤلت الفنانة أمينة خليل عن حلمها بالأمومة وفكرة تجميد البويضات قالت: "أنا مع فكرة تجميد بويضاتي حال تأخر الزواج، وفيه ناس مش فاهمين الفكرة وقضاء الله وقدره، والعلم وصلنا نعمل حاجة زي دي".
