مصطفى فهمي يفجر مفاجآت غير متوقعة عن طليقته فاتن موسى

حل الفنان مصطفى فهمي، ضيفا على برنامج "الحكاية"، الذي يذاع على شاشة "mbc مصر"،  ويقدمه الإعلامي عمرو أديب، وخلال اللقاء تحدث عن المشاكل التي بينه وبين طليقته فاتن موسى قائلا: "أنا كمان عندي أسباب كتير ممكن أقولها وأسباب كتير قوي قوي، وأنا بستغرب فعلا تهديدها، دي واحدة ست وأنا عيب أشهر بواحدة ست وكل واحد فينا هيروح لحياته وهو هيتجوز والراجل مبيتمسكش عليه حاجة ومبيتقالش عليه حاجة، لكن الست عيب إني أقول حاجة عليها، وعيب أتكلم عليها لأن في يوم من الأيام هي هتتجوز وربنا يسعدها وتلاقي اللي يسعدها ويحقق لها أحلامها اللي أنا مقدرتش أحققها لها".

وأضاف: "أنا بعد 12 يوم قولت هجيب واحد بتاع أمن وقعدته قدام الشقة عشان مفيش حاجة من حاجتي تروح، وجبت واحد أمن ومرخص من شركة وبعد 48 ساعة مشوا الأمن بتاعهم وفجأة جت المحامية وجابت ظابط من قسم الدقي وادعوا على شاب الأمن وحارس العمارة انهم ماسكين سكاكين وسواطير وبيهددوها وهي جوة الشقة وإنه هو اللي حرضهم واتاخدوا الاتنين على القسم وباتوا ليلتين في القسم وده شيء أنا لم أتخيله"

وتابع: "أنا بناشد النائب العام انه يشوف الموضوع ده بنفسه لأن كشخصية عامة ان بقيت مهدد بالتحريض على القتل وكل يوم رايح جاي على النيابة"
"من سنة ونص كلمت اخوها وطلبت منه زي ما دخلنا بالمعروف نخرج بالمعروف والحياة اصبحت مستحيلة اخوها قالي انا مليش دخل ده قراركوا"
وواصل: "بعدها ب 7 شهور حصل مشاكل تاني كلمت احمد والدها وقولتله اني مش قادر اكمل وحابب انفصل انا وفاتن والحياة بينا بقيت صعبة كتير وعلى طول في خناقات وانا حاولت ان اظبط الامور كتير بس مقدرتش"

وأردف: "في 11 يوم من نزلوها مصر، رسمت فيهم خطة وخدت بلطجية واتنين ستات واحدة ادعت إنها والدتها وكسرت الباب، أنا كنت مغير الكالون، والطبيعي إنها كانت تستعين بالمكتب".

"حارس العمارة قالها حضرتك مطلقة مينفعش تكسري الباب، المحامية قالتله لو مسكتش هتهمك بالسرقة، وأنا كنت حاطت حاجتها في شنط مش أكياس بلاستيك زي ماهي ادعت".

أما عن مستحقاتها المالية، فرد قائلا: "مين مانعها انها تاخد حقوقها، كل دا تلف من السوشيال ميديا، وأنا أنا عندي أسباب كتير ممكن أقولها أنا كمان ولكن ولكن أنا لا يكمن أشهر بواحدة ست، الراجل مبيتمسكش عليه حاجة".

والجدير بالذكر، أن الفنان مصطفى فهمي كان قد تزوج لأول مرة من سيدة إيطالية، وانجب منها ابنته دينا وولد آخر، واستمر زواجهما لمدة 23 عامًا ثم انفصلا، وبعد ذلك تزوج من الفنانة رانيا فريد شوقي، عام 2007، وانفصلا نهائيًا في عام 2012، وبعدها تزوج الإعلامية اللبنانية فاتن موسى عام 2017.

موضوعات متعلقة

طليقة مصطفى فهمي تفجر مفاجآت عن الفنان وقرار الطلاق المفاجئ
طليقة مصطفى فهمي تفجر مفاجأة من العيار الثقيل بعد ذهابها لمنزل الزوجية.....ما الحكاية!