نشوى مصطفى تنشر صورة من خطوبتها "زي النهاردة من ٣٠ سنة كانت خطوبتنا"

نشرت الفنانة نشوى مصطفى صورة مع زوجها لتستعيد بها ذكريات خطوبتها على حسابها الرسمي على موقع التواصل الاجتماعي "انستجرام" وعلقت عليها قائلة: "زي النهاردة من ٣٠ سنة كانت خطوبتنا- كنا عارفين بعض قبلها بيومين- اتجوزنا صالونات- أول مرة شفنا بعض قلت له أنا مش حابة أتجوز بالطريقة دي، وأهلي غاصبين عليا أشوفك- قال لي وأنا كمان أمي هي اللي مرشحاكي ليا وأنا مش حاتجوز مصرية (كان عايش في أمريكا)، المهم قلت له عداك العيب يبقي تقول لوالدتك إني معجبتكش وأنا حأقول لأهلي إني استرخمتك".

وأضافت: "تاني يوم كلمني وقال لي نشوى أنا غيرت رأيي وقررت أتجوز مصرية وأعملي حسابك بكرة جاي أخطبك".

وتابعت: "النهارده عيد الحب ومكنش فاكر طبعاً تاريخ خطوبتنا- فابافكره- رد وقال لي: يااااااااه معقولة ٣٠ سنة مستحمل وصامد، قلت له ياعم في المناسبات دي الراجل بيقول لمراته باحبك، رد بشكل تلغرافي وقال: باحبك، قلت له: بتحبني اد أيه، قال لي باحبك أد ماباحب الونش وأبوجبل وأبو أدم واوباما".

يذكر أن أخر أعمال نشوى مصطفى كان المسلسل الدرامي الكوميدي "البشارة"، كما شاركت ببطولة مسلسل "الشريط الأحمر" وسط عدد من نجوم الدراما التليفزيونية، منهم أحمد فهمي، ونور إيهاب، وعبد الرحيم حسن.

موضوعات متعلقة:

تطورات الحالة الصحية للفنانة نشوى مصطفى

وفاة الفنانة نشوى مصطفى بمستشفى العزل حقيقة أم شائعة

نشوى مصطفى تهاجم فنانة معتزلة عيب والله ده أنتِ كلتي معاهم عيش وملح!

نشوى مصطفى تتحدث عن الحب في حياة عمرو دياب ماذا قالت عن دينا الشربيني؟