إلهام شاهين ترد على احمد فلوكس "أنا أكبر من إني أرد على أسلوب لا يليق بأي فنان" ما الحكاية!

ردت الفنانة إلهام شاهين على الفنان احمد فلوكس بعد هجومه عليها بسبب تصريحاتها عن القبلات بالافلام حيث طلب منها عدم الحديث في تلك الأمور، وعلقت الفنانة على الأمر قائلة: " أنا أكبر من إني أرد على هذه الأمور التافهة"

وتابعت: "مينفعش أرد على أحمد فلوكس، أنا أكبر من إني أرد على أسلوب لا يليق من أي فنان، أنا ردي إن اللي مش مِحترم المهنة يسيبها".

وأضافت: "أنا بتكلم على القبلات اللي في الستينيات، اللي أبطالها سعاد حسني، فاتن حمامة، نادية لطفي، وكانت أفلام لكتّاب كبار جداً، زي طه حسين، نجيب محفوظ، يوسف إدريس، وغيرهم".

واستكملت: "أفلامي الأخيرة مش هتكلم عنها، ونوعية معينة دلوقتي اللي أقدر أقدّمها، أنا مش بتكلم على حاجة تخصّني، أنا بتكلم على الفن بشكل عام، وفيلم "حظر تجول" فيه تحفظات كتيرة، وخدت 12 جايزة من مهرجان جمعية الفيلم، مينفعش أردّ على أحمد، أنا أكبر من إني أرد على أسلوب لا يليق بأي فنان، الله أعلم ظروفه إيه، بس الأسلوب يبيِّن إن في شيء تاعبُه".

وكان أحمد فلوكس قد علق على حديث الفنانة إلهام شاهين عن القبلان في الأفلام قائلا

"بعيدا عن معزتك، ممكن أستأذنك ماتتكلميش تاني في الكلام ده، البوسه بنعتبرها حاليا منافية للآداب؟، أمال أمتي يا فندم نعتبر الشيء منافي للآداب، وتابع: "طب سيبك من ده كله، الدين إيه، الشاشة دي بتربي أجيال وبتشكل وجدان، مش بتربي وحوش".

وتابع: "طب سيبك من ده كله، الدين إيه، الشاشه دي بتربي أجيال وبتشكل وجدان، مش بتربي وحوش وبتعمل أوضاع على كده، بقى إحنا نعتبر الأفلام المخلة، أفلام تثقيفية تعليمية إرشادية الغرض منها التعليم والتمرين وإنها أفلام هادفة".

وأضاف: " سامحيني أنا بحبك بس ما بقتش أقدر أستحمل، يا جماعة الشيطان نفسه مش مصدّق اللي إحنا كبشر بنعمله، وبيستغفر ربّنا، الأفلام بقت مرجعية، والنوافل بقيت مهرجانات، والزكاة بقت نقطة، والحج بقى تشكيل، آسف جداً، ومش عايز أسمع كلمة حرية الفن".

موضوعات متعلقة:

بعد إعلان تبرعها بأعضائها إلهام شاهين تثير الجدل بحديثها عن الزواج في هذا العمر!

إلهام شاهين تعلق لأول مرة على جرأة رانيا يوسف وهذا ما قالته!